عالمی بینک کی جانب سے ہندوستان کو 1 بلین ڈالر کی امداد

?️ 5 مارچ 2023

عالمی بینک اور حکومت ہند نے ملک کے صحت کی دیکھ بھال کے بنیادی ڈھانچے کو سپورٹ کرنے کے لیے $500 ملین کے دو اضافی قرضوں کے لیے ایک معاہدے پر دستخط کیے ہیں۔

واضھ عہے کہ معاہدے پر ہندوستانی وزارت اقتصادیات کے سیکریٹری رجت کمار مشرا اور ہندوستان کے عالمی بینک کے ڈائریکٹر اگست تھانو کوامے نے دستخط کیے۔

عالمی بینک نے ایک بیان میں اس بات پر زور دیا کہ کوویڈ 19 وبائی مرض پوری دنیا میں عوام تک رسائی کی تیاری اور صحت کے نظام کو مضبوط بنانے کی ضرورت کو مزید اہم بنا دیتا ہے۔ ان دونوں منصوبوں کا مقصد مستقبل میں ہونے والی وبائی امراض کے خلاف ہندوستان کے صحت کے نظام کی لچک اور تیاری کو بڑھانا ہے۔

ہندوستان کی اسپتال کی صنعت، جو ملک کے صحت کی دیکھ بھال کے کاروبار کا 80% حصہ رکھتی ہے کو گھریلو اور عالمی سرمایہ کاروں کی بڑھتی ہوئی مانگ کا سامنا ہے۔ ہندوستانی حکومت نے پیش گوئی کی ہے کہ یہ صنعت 2017 میں 61.8 بلین ڈالر سے بڑھ کر 2023 تک 132 بلین ڈالر تک پہنچ جائے گی جس کی کمپاؤنڈ سالانہ شرح نمو CAGR 16-17 فیصد ہے۔

$1 بلین تقریباً 8,200 کروڑ روپے کی کل فنڈنگ بنیادی طور پر اکتوبر 2021 میں شروع کیے گئے پردھان منتری-آیوشمان بھارت ہیلتھ انفراسٹرکچر مشن PM-ABHIM کی مدد کرے گی۔

یہ قرضے سات ریاستوں آندھرا پردیش، کیرالہ، میگھالیہ، اڈیشہ، پنجاب، تمل ناڈو اور اتر پردیش میں صحت کی خدمات کی فراہمی کو ترجیح دیں گے۔ قومی سطح کے پروگراموں کے ساتھ ساتھ، ان قرضوں کا مقصد پورے ہندوستان میں صحت عامہ کے بنیادی ڈھانچے کو بہتر بنانا ہے۔