صیہونیوں کے ہاتھوں فلسطینی نوجوان کی شہادت کے بعد مغربی کنارے میں ہڑتال

?️ 24 فروری 2022

سچ خبریں:جنوبی مغربی کنارے میں فلسطینیوں اور اسرائیلی فوج کے درمیان جھڑپوں کے دوران فلسطینی فورسز کی فائرنگ سے ایک فلسطینی نوجوان شہید ہوگیا۔
فلسطینی خبر رساں ایجنسی سما کی رپورٹ کے مطابق فلسطینی وزارت صحت کا کہنا ہے کہ بیت لحم کے جنوب میں واقع الخضر قصبے میں 14 سالہ فلسطینی نوجوان محمد شحادہ کو قابض حکومت کی فوج نے گولیاں مار کر شہید کردیا۔

اس سلسلے میں فلسطینی وزارت خارجہ نے اس فلسطینی نوجوان کو شہید کیے جانے کی مذمت کرتے ہوئے اعلان کیا ہے کہ غاصب حکومت کی افواج کی جانب سے محمد شحادہ کے خلاف یہ نیا جرم فلسطینیوں کے روزانہ قتل عام کا ایک لازمی حصہ ہے ،فلسطینی وزارت خارجہ نے اس جرم کو قابض حکومت کی فوج کی اخلاقی گراوٹ کی علامت قرار دیا۔

وزارت نے اس جرم کے لیے نفتالی بینیٹ کی سربراہی میں اسرائیلی حکومت کو ذمہ دار ٹھہرایا،فلسطینی وزارت خارجہ نے عالمی برادری سے فلسطینیوں کو بین الاقوامی مدد فراہم کرنے کا مطالبہ کیا اور بین الاقوامی فوجداری عدالت سےبھی مطالبہ کیا کہ وہ فوری طور پر اسرائیلی غاصبوں اور آباد کاروں کے جرائم کی تحقیقات شروع کرے۔

درایں اثنافلسطینی اتھارٹی کے وزیر اعظم محمد اشتیہ نے بھی ایک مختصر بیان جاری کیا جس میں کہا گیا کہ شہید محمد شحادہ اسرائیل کی منظم دہشت گردی کا شکار ہوئے ہیں۔