صیہونی فوج کے ہاتھوں فلسطینی خاتون صحافی گرفتار

?️ 7 ستمبر 2022

سچ خبریں:صیہونی قابض فوج نے مقبوضہ بیت المقدس میں ایک فلسطینی خاتون صحافی کو حراست میں لے لیا۔

اسرائیلی قابض فوج نے مقبوضہ یروشلم میں ایک خاتون صحافی لمی غوشہ کو ان کے گھر حراست میں لے لیا۔

مقبوضہ یروشلم میں فلسطینی شہریوں کی اسرائیلی قابض فوج کے ہاتھوں بلا روک ٹوک گرفتاریاں معمول بن چکا ہے، پچھلے ماہ اگست میں اس طرح صیہونیوں کے ہاتھوں گرفتار کیے گئے فلسطینیوں کی تعداد 148 تھی جن میں 30 نوعمر بچے اور سات فلسطینی خواتین بھی شامل ہیں۔

خاتون صحافی کی گرفتاری کے عینی شاہدین کے مطابق اتوار کے روز اسرائیلی قابض فوج نے پہلے ان کے گھر میں زبردستی داخل ہو کر گھر کی توڑ پھوڑ کی اور بعد ازاں انہیں ساتھ لے گئی، کہا جارہا ہے کہ انہیں ایک فوجی انٹیرو گیشن سنٹر لے جایا گیا ہے۔

قابل ذکر ہے کہ فلسطینیوں کے خلاف اسرائیلی قابض فوج کے مظالم اور گھروں کی مسماری کو منظر عام پر لانے والے صحافی اسرائیلی قابض فوج کا ان دنوں اہم ہدف ہیں جبکہ فلسطینی نژاد امریکی صحافی شیریں ابو عاقلہ کا اسرائیلی قابض فوج کے ہاتھوں قتل بھی زیادہ پرانا نہیں ہوا ہے جس کے بارے میں عالمی برادری کی خاموشی صیہونیوں کو اس طرح کی جارحیت جاری رکھنے کی ہری جنھنڈی دکھانا ہے۔