صیہونی سعودی تعلقات بحال کرنے کا موقع ہاتھ سے جار ہا ہے:امریکی سنیٹر

?️ 18 اپریل 2023

سچ خبریں:امریکی ریپبلکن سنیٹر لنڈسے گراہم نے پیر کے روز مقبوضہ علاقوں میں صحافیوں کو بتایا کہ صیہونی حکومت اور سعودی عرب کے درمیان تعلقات کو معمول پر لانے کا موقع 2024 کے اوائل میں ختم ہو سکتا ہے۔

امریکی ریپبلکن سینیٹر لنڈسے گراہم نے پیر کے روز مقبوضہ علاقوں میں صحافیوں کو بتایا کہ صیہونی حکومت اور سعودی عرب کے درمیان تعلقات کو معمول پر لانے کا موقع 2024 کے اوائل میں ختم ہو سکتا ہے،انہوں نے کہا کہ سعودی عرب مشرق وسطی میں اسرائیلی حکومت کو ایک جائز ادارے کے طور پر تسلیم کرنے کے لیے اہم کردار ادا کر سکتا ہے اور کھیل کا حمتی فیصلہ اسی کے ہاتھ میں ہے۔

ہگراہم نے گزشتہ ہفتے ریاض کے دورے کے بعد کہا تھا کہ سعودی عرب اسرائیل کے ساتھ اپنے تعلقات کو آگے بڑھانے کے لیے تیار ہے، لیکن صرف اس صورت میں جب وہ دفاعی اور آزاد تجارتی معاہدے کو حتمی شکل دینے سمیت واشنگٹن کے ساتھ اپنے تعلقات کو بہتر کر سکے۔

انہوں نے صحافیوں سے خطاب جاری رکھتے ہوئے کہا کہ میں کہتا ہوں کہ یہ موقع (صیہونی حکومت کے ساتھ تعلقات کو معمول پر لانے کا) محدود ہے اور اگر ہم نے 2023 یا 2024 کے اوائل میں ایسا نہیں کیا تو تعلقات کی کھڑکی بند ہو سکتی ہے۔

اس سوال کے جواب میں کہ صیہونی حکومت کے ساتھ تعلقات کو معمول پر لانا کس طرح ممکن ہے، گراہم نے کہا کہ بائیڈن انتظامیہ نے انہیں اس ملک کے ولی عہد شہزادہ محمد بن سلمان سے ملاقات کے لیے سعودی عرب بھیجا اور اس بات کا اندازہ لگانے کے لیے بھی کہ سعودی عرب کس حد تک صیہونی حکومت کے ساتھ تعلقات کو معمول پر لانے کے لیے تیار ہے۔

انہوں نے کہا کہ میں نے سعودی عرب کو اس یقین کے ساتھ چھوڑا کہ امریکہ اور سعودی عرب کے درمیان معاہدہ ممکن ہے، یاد رہے کہ گراہم نے پیر کے روز مقبوضہ علاقوں کے دورے پر بنیامین نیتن یاہو اور ایلی کوہن سے ملاقات کی اور کہا کہ اس طرح کا معاہدہ امریکہ کی خارجہ پالیسی کا اہم ہدف ہے، اور اس مسئلے پر صیہونی حکومت کے حکام کے ساتھ بات چیت کی۔