صیہونی درندوں کے ہاتھوں ایک فلسطینی شہید

29 اکتوبر 2022

سچ خبریں:فلسطینی وزارت صحت نے ایک بیان میں نابلس کے جنوب میں ایک فلسطینی شہری کی شہادت کی خبر دی ہے۔

فلسطینی وزارت صحت نے ایک بیان میں نابلس کے جنوب میں ایک فلسطینی شہری کی شہادت کا اعلان کیا، رپورٹ کے مطابق نابلس کے جنوب میں حوارہ علاقے کی چوکی کے قریب صیہونی فوجیوں کی فائرنگ کے نتیجے میں ایک فلسطینی شہید اور دو زخمی ہو گئے، واضح رہے گذشتہ ہفتے منگل کو نابلس پر صیہونی حکومت کے حملے میں 6 فلسطینی شہید ہو گئے۔

یاد رہے کہ نابلس دو ہفتوں سے شدید محاصرے میں ہے، اسی سلسلے میں بدھ کی صبح درجنوں اسرائیلی فوجی گاڑیوں نے اس شہر پر کئی طرف سے حملہ کیا، عینی شاہدین نے بتایا کہ چالیس سے زائد فوجی گاڑیوں نے نابلس شہر اور مزاحمتی گروپ عرین الاسود کے مجاہدین کے خاندانوں کے گھروں پر حملہ کیا۔

صیہونی فوجیوں نے خلۃ العامود کے علاقے میں واقع شہید ابراہیم النابلسی کے گھر پر چھاپہ مار کر حال ہی میں صیہونی جیل سے آزاد ہونے والے ان کے بھائی ایاد النابلسی کو گرفتار کر لیا۔

شہید نابلسی کی والدہ نے کہا کہ صہیونی فوجیوں نے ان کے گھر پر چھاپہ مارا ، فرنیچر کو تباہ کیا اور شہید ابراہیم کی تصاویر کو پھاڑ دیا، یاد رہے کہ اسرائیلی قابض فوج نے چند ہفتے قبل زخمی ہونے والے عرین الاسود مزاحمتی گروپ کے ایک مجاہد تیسیر الخراز کے گھر پر بھی حملہ کیا۔