صیہونی جاسوسوں کے ہاتھوں عر ب صارفین کی سب سے بڑی سکیورٹی ہیکنگ

🗓️ 11 جون 2023

سچ خبریں:ایک نیوز سائٹ نے ٹوئٹر پر صیہونی جاسوس سروس کے سائبر اسپیس نیٹ ورکس پر اشتہارات کے ذریعے بھرتی کرنے اور ان نیٹ ورکس پر عرب صارفین کو ہیک کرنے کے طریقہ کار کا انکشاف کیا ہے۔

ایکاد نیووز سائٹ نے ٹویٹس کی ایک سیریز کو شائع کرتے ہوئے صیہونی حکومت کے عناصر کی جانب سے متحدہ عرب امارات میں کام کرنے والے سائبر اسپیس پلیٹ فارمز اور کمپنیوں کے ذریعے عرب صارفین کی ہیکنگ کی طرف اشارہ کیا۔

اس رپورٹ میں کہا گیا ہے کہ لیڈ کیپٹل ہولڈنگ (ٹی سی ایچ) لمیٹڈ گروپ کے پاس متحدہ عرب امارات میں کام کرنے کا قانونی لائسنس ہے، اور اس گروپ سے وابستہ کمپنیاں متحدہ عرب امارات میں مفت کورسز کراتی ہیں۔

مذکورہ گروپ جسے روئی گیویش نامی صیہونی چلا رہا ہے، کا تعلق ان کمپنیوں سے ہے جو سائبر اسپیس پلیٹ فارمز کے ذریعے صارف کی معلومات ہیک کرتی ہیں۔

اس رپورٹ میں لکھا گیا ہے کہ اس سے پہلے کی جانے والی تحقیق میں اس بات کا تعین کیا گیا ہے کہ مذکورہ کمپنی سکیورٹی، فوجی اور سرکاری خدمات کے آلات اور نظام کو ہیک کرنے نیز دراندازی کرنے کے لیے معلوماتی حل فراہم کرنے کے شعبے میں کام کرتی ہے۔