صہیونیوں کے ہاتھوں فلسطینی آبی اور زرعی وسائل کی لوٹ مار

?️ 2 اکتوبر 2021

سچ خبریں:اقوام متحدہ نے اپنی ایک رپورٹ میں کہا کہ اس بات کے پختہ شواہد موجود ہیں کہ صہیونی حکومت فلسطینی آبی اور زرعی وسائل لوٹ رہی ہے۔
اقوام متحدہ کی ایک رپورٹ میں انکشاف کیا گیا ہے کہ صہیونی حکومت مقبوضہ علاقوں بشمول قدس میں آبی اور زرعی وسائل میں فلسطینی عوام کے حقوق کی خلاف ورزی کررہی ہے۔

جنیوا میں انسانی حقوق کونسل کو دی گئی ایک رپورٹ میں اقوام متحدہ کے ہائی کمشنر برائے انسانی حقوق نے کہا کہ اس بات کے مضبوط شواہد موجود ہیں کہ صہیونی حکومت نے مقبوضہ علاقوں میں فلسطینیوں کے آبی اور زرعی وسائل پر قبضہ کیا ہے۔

رپورٹ میں کہا گیا ہے کہ صیہونی آبادکاری کی پالیسی نے فلسطینی زمینوں کو تباہ کرنے کے مسئلے کو مزید گہرا کر دیا ہے نیز پینے کے پانی کے محفوظ ذرائع تک رسائی محدود کردی ہے۔

الجزیرہ چینل کے مطابق رپورٹ میں فلسطینی کسانوں کی کاشتکاری کی سرگرمیوں پر پابندی اور صیہونی آباد کاروں اور کسانوں کو رعایت دینے کا حوالہ دیا گیا ہے،اسی طرح رپورٹ کے مطابق ، صہیونی حکومت نے فلسطینیوں کے انسانی حقوق کی خلاف ورزی کرتے ہوئے صہیونی بستیوں کو پانی کی فراہمی میں ترجیح دی ہے۔

قابل ذکر ہے کہ اقوام متحدہ نے بھی اتنے ثبوت اور شواہد کے باوجود قابض صیہونی دشمن کےخلاف کو مؤثر کاروائی نہیں کی بلکہ صرف رپورٹوں پر ہی اکتفا کی ہے۔

دوری طرف عرب ممالک تو صیہونیوں کے ساتھ تعلقات بحال کرنے کے لیے ایک دوسرے سے سبقت لے جانے کی کوشش کررہے ہیں یہی وجہ ہے کہ صیہونیوں کا جو دل چاہتا ہے کرتے ہیں کیونکہ انھیں معلوم ہے کہ نہ ہمیں کوئی پوچھنے والا ہے اور نہ ہی فلسطینیوں کا کوئی ساتھ دینے والا ہے۔