صہیونی میڈیا کارکن کا نیتن یاہو پر سخت حملہ

?️ 21 جولائی 2025

صہیونی میڈیا کارکن کا نیتن یاہو پر سخت حملہ، تم اسرائیل کو تباہ کرنے والے وزیر اعظم ہو

غزہ پر جاری جنگ اور جنگ بندی کی راہ میں حائل رکاوٹوں کے باعث اسرائیلی وزیر اعظم بنیامین نتن یاہو کو اندرونِ ملک شدید مخالفت اور عوامی غصے کا سامنا ہے۔ ملک کے اندر سے ہی صہیونی کارکنوں اور ناقدین نے نتانیاہو پر زبردست تنقید کرتے ہوئے اسے اسرائیل کا ویران گر اور”فراری مجرم قرار دیا ہے۔

ایک سرگرم میڈیا کارکن نے سوشل میڈیا پر نتانیاہو کو مخاطب کرتے ہوئے لکھا:”تم اسرائیل کے تباہ کن ترین وزیر اعظم ہو۔ یرغمالیوں کو ان کے حال پر چھوڑ دیا، خود پناہ گاہوں میں چھپنے والا بزدل ہو۔ تم جھوٹے ہو، اور جھوٹے کا بیٹا ہو۔ ہم تمہیں معاف نہیں کریں گے۔ تم تاریخ میں ایک سیاہ دھبے کے طور پر یاد رکھے جاؤ گے۔”

اسرائیلی عوام مسلسل سڑکوں پر ہیں اور نیتن یاہو کی انتہاپسند حکومت کے خلاف مظاہروں کا سلسلہ دن بہ دن زور پکڑ رہا ہے۔ مظاہرین کا کہنا ہے کہ وزیراعظم صرف اپنی کرسی بچانے کی کوشش میں غزہ میں جنگ بندی کی راہ میں رکاوٹ بنا ہوا ہے۔

حال ہی میں نیویارک ٹائمز نے انکشاف کیا کہ نتانیاہو جان بوجھ کر جنگ بندی کے کسی بھی معاہدے کو روک رہا ہے تاکہ اپنے سیاسی مفادات اور کرسی کو بچا سکے۔ اس رپورٹ کے بعد اسرائیل کے مختلف شہروں میں عوامی ردعمل میں تیزی آ گئی ہے۔

غزہ جنگ کے ساتھ ساتھ، نتانیاہو قطرگیٹ جیسے مالیاتی اسکینڈلز اور عدالتی مقدمات کا بھی سامنا کر رہا ہے۔ ناقدین کا کہنا ہے کہ نیتن یاہو ان تمام بحرانوں سے توجہ ہٹانے کے لیے جنگ کو طول دے رہا ہے۔