شمال شام میں فوجی ہوائی اڈے پر اسرائیلی فضائی حملے پر ٹرمپ کا ردعمل

سچ خبریں: امریکی صدر ڈونلڈ ٹرمپ نے صیہونی حکومت کے ٹیلی ویژن نیٹ ورک چینل ۱۲ سے گفتگو کرتے ہوئے حالیہ اسرائیلی فضائی حملے پر ردعمل طاہر کیا جس کا نشانہ شام کے شمالی صوبہ ادلب میں واقع فوجی ہوائی اڈہ تھا۔

امریکی صدر ڈونلڈ ٹرمپ نے  کہا کہ میں اس حملے کی تفصیلات سے باخبر ہوں، تاہم اس معاملے پر کوئی بیان جاری نہیں کروں گا۔

دوسری جانب ایک اور امریکی اہلکار نے بھی اس اسرائیلی نیٹ ورک کو بتایا کہ اسرائیل نے واشنگٹن کو آگاہ کیا تھا کہ ترکی کا ارادہ ہے کہ وہ نشانہ بنائے گئے شامی ہوائی اڈے پر ایک فوجی نظام نصب کرے گا۔

اس امریکی اہلکار نے مزید کہا کہ واشنگٹن کو یقین ہے کہ اسرائیل کے پاس شام کے ابو الظہور ہوائی اڈے کے بارے میں موجود معلومات درست تھیں۔

انہوں نے یہ بھی کہا کہ اسرائیل نے تصادم سے بچنے کی غرض سے شام کے ساتھ مشترکہ آپریشن روم قائم کرنے کے معاہدے تک رسائی سے انکار کر دیا ہے۔

دوسری جانب صیہونی حکومت کے ٹیلی ویژن چینل ۱۳ نے ایک صیہونی فوجی اہلکار کے حوالے سے بتایا کہ اب صرف یہ باقی ہے کہ ہم ترکی کے ساتھ ایک وسیع جنگ شروع کریں، کیونکہ ہمارے پاس پہلے سے ہی کافی محاذوں پر جھڑپیں جاری ہیں۔

صیہونی حکومت نے منگل کی صبح شام کے شمالی صوبہ ادلب میں واقع ابو الظہور ہوائی اڈے کو نشانہ بنایا۔

صیہونی حکومت کے وزیراعظم بنجمن نیتن یاہو کے دفتر نے ۲۴ گھنٹے گزرنے کے بعد اس فضائی حملے کی ذمہ داری قبول کی اور دعویٰ کیا کہ یہ کارروائی ترکی کی جانب سے اس ہوائی اڈے پر فوجی آلات نصب کرنے کی کوشش کو ناکام بنانے کے لیے کی گئی، تاہم اس دعوے کو ترکی کی صدارت کے دفتر نے چند گھنٹوں بعد مسترد کر دیا۔