شامی کیمپ میں موجود داعشیوں کا منصوبہ ناکام

🗓️ 6 فروری 2024

سچ خبریں: شام میں الہول کیمپ سے داعش کے عناصر کے فرار کے منصوبے کو ناکام بنانے سے اس کیمپ میں تصادم ہوا اور داعش کے ایک رہنما کی موت ہوگئی۔

المعلومہ نیوز ایجنس کی رپورٹ کے مطابق ایک شام کے سکیورٹی ذرائع نے تصدیق کی ہے کہ الہول کیمپ میں داعش کا ایک رہنما جس کا نام محمود اللہیبی المعروف ابو سفیان ہے اس کیمپ کے اندر مارا گیا ہے۔

یہ بھی بڑھیں: شمالی شام میں زلزلے سے ایک جیل منہدم؛ داعشی فرار

انہوں نے مزید کہا کہ اللہیبی داعش دہشت گرد تنظیم میں قتل کا ذمہ دار تھا اور اسے اسی کیمپ کے اندر قتل کیا گیا۔

اس سکیورٹی ذریعہ نے کہا کہ الہول کیمپ سے داعش کے بعض لیڈروں کے فرار کا منصوبہ ناکام ہونے اور اسے بے اثر کر دینے کے بعد، اللہیبی اس کیمپ کے اندر ہلاک ہو گیا  جس کی وجہ سے داعش کے عناصر کے درمیان تصادم ہوا۔

انہوں نے تاکید کی کہ شام کے الہول کیمپ میں داعش کے عناصر سے متعدد آتشیں اسلحہ اور سرد ہتھیار دریافت اور قبضے میں لیے گئے ہیں جو لوگ اس کیمپ سے داعشیوں کو فرار کرانے اور انہیں عراق کی طرف بجھینے کے منصوبے میں ملوث تھے انہیں بھی گرفتار کر لیا گیا۔

شام کے قومی سلامتی کے امور کے محقق "سعید فارس السعید” نے کہا کہ امریکہ داعش کے احیاء اور خطے میں بحران پیدا کرنے کے راستے کو جاری رکھنے کی تلاش میں ہے۔

مزید پڑھیں: شام میں داعشیوں کی سرپرستی کون کر رہا ہے؟

انہوں نے تاکید کی کہ امریکہ عدم استحکام اور مایوسی کا شکار ہے کیونکہ خطے میں اس کے منصوبے ناکام ہو چکے ہیں۔

انہوں نے کہا کہ مزاحمتی تحریک کے ہاتھوں خطے میں امریکی سازش کے بے اثر ہونے  کی وجہ سے شاید امریکہ کسی بھی وقت خطے میں اپنی جیلوں سے ہزاروں داعش کو رہا کر دے گا۔