شامی حکومت کے زیر اہتمام نمائشی پارلیمانی انتخابات کا آغاز

شامی حکومت

?️

سچ خبریں: سوریہ میں ابو محمد الجولانی کی نام نہاد دہشت گرد حکومت سے وابستہ خبر رساں ادارے نے اطلاع دی ہے کہ ملک میں پارلیمانی انتخابات کا آغاز ہو گیا ہے اور ووٹنگ مراکز کے دروازے عوام کے لیے کھول دیے گئے ہیں۔
یہ انتخابات ایسے ماحول میں منعقد ہو رہے ہیں جب سیکیورٹی فورسز نے دارالحکومت دمشق، درعا، حماہ اور لاذقیہ سمیت مختلف شہروں کی سڑکوں پر کثیر تعداد میں موجودگی قائم کر رکھی ہے۔
سوریہ میں پارلیمانی انتخابات، درحقیقت، خطے کے بعض عرب ریژیمز کی نقالی کے مترادف ہیں جن میں جمہوریت کا محض ڈھونگ رچا جاتا ہے اور اسمبلی میں پہنچنے والے افراد عوام کے حقیقی نمائندے نہیں ہوتے۔
ان انتخابات میں امیدوارانہ کی عمومی اہلیت پر پابندیوں کے علاوہ، مخصوص گروہوں کی فتح یقینی بنانے کے لیے سیکیورٹی، پراپیگنڈے اور سماجی دباؤ کی کیفیت موجود ہے، نیز انتخاباتی عمل کو کنٹرول کرنے کے لیے عجیب و غریب قوانین بھی متعارف کرائے گئے ہیں۔
ابو محمد الجولانی کی حکومت نے اعلان کیا ہے کہ وہ پارلیمانی نشستوں کی تعداد 150 سے بڑھا کر 210 کر دے گی، تاہم اس انتخاب میں کیے گئے نئے آئینی ترمیمی اقدامات کے مطابق، پارلیمنٹ میں پہنچنے والے ایک تہائی اراکین کو براہ راست الجولانی خود نامزد کرے گا۔ اس طرح کہا جا سکتا ہے کہ اس پارلیمنٹ سے جنم لینے والی پالیسیاں درحقیقت الجولانی حکومت کے ایجنڈے کی ترجمان ہوں گی اور عوامی مفادات کو یکسر نظر انداز کر دیا جائے گا۔
ان 70 نامزد اراکین پارلیمنٹ کے علاوہ، جو براہ راست الجولانی کی جانب سے چنے جائیں گے، باقی 140 اراکین بھی انتخابات میں کامیابی اور اکثریتی ووٹ حاصل کرنے کے بعد، سوریہ کی حکومتی ادارے کی توثیق کے پابند ہوں گے۔ مزید برآں، الجولانی کو یہ اختیار حاصل ہے کہ وہ ایمرجنسی حالات میں، ملک کی داخلی سیکیورٹی کونسل (جس میں وزیر خارجہ، وزیر داخلہ اور وزیر دفاع شامل ہیں) کے ذریعے پارلیمنٹ کو تحلیل کر سکتا ہے۔
دوسری جانب، سوریہ کے بعض خود مختار صوبوں جیسے الرقہ، الحسکہ اور دیر الزور کے بعض حصوں نے اعلان کیا ہے کہ وہ اپنے زیر کنٹرول علاقوں میں انتخابات کی اجازت نہیں دیں گے۔ جبکہ صوبہ السویدا میں انتخابات کا انعقاد بھی مشکوک اور غیر یقینی صورتحال کا شکار ہے۔

مشہور خبریں۔

امریکی سینیٹ نے یوکرین اور اسرائیل کے لیے مالی امداد کو آگے بڑھانے کے تایید کی

?️ 12 فروری 2024سچ خبریں:امریکی سینیٹ کے ڈیموکریٹس، سخت گیر ریپبلکن اور ڈونلڈ ٹرمپ کے

نیتن یاہو کے ممکنہ سیاست بدر ہونے پر حماس کا رد عمل

?️ 31 مئی 2021سچ خبریں:حماس کے ترجمان نے نیتن یاھو کے بغیر صیہونی حکومت میں

ویکیپیڈیا میں سب سے زیادہ سرچ کیا جانے والا لفظ

?️ 14 جنوری 2023سچ خبریں:الجزیرہ کی ویب سائٹ نے ایک انفوگرافک میں مغربی ایشیائی اور

مزاحمت کا ہتھیار برقرار رہے گا: حزب اللہ

?️ 24 فروری 2026 سچ خبریں: حزب اللہ لبنان سے وابستہ وفاداری برائے مزاحمت پارلیمانی گروپ

ایلون مسک نے ٹرمپ کو کہا: اگر میں وہاں نہ ہوتا تو آپ صدر نہ ہوتے۔ تم کتنے ناشکرے ہو

?️ 6 جون 2025سچ خبریں: ڈونلڈ ٹرمپ کی آج کی تقریر اور سوشل میڈیا پر

صورتحال کے مطابق لاک ڈاؤن کا فیصلہ کریں گے: اسد عمر

?️ 23 اپریل 2021اسلام آباد(سچ خبریں)وفاقی وزیر اور سربراہ این سی او سی اسد عمر

لبنان کے دہشگردانہ حملوں کے بارے میں سید حسن نصراللہ کا اہم بیان

?️ 21 ستمبر 2024سچ خبریں: حزب اللہ کے سکریٹری جنرل نے کہا ہے کہ حالیہ

مشرق وسطی جنگ، حکومت کا پارلیمانی لیڈروں کو اعتماد میں لینے کا فیصلہ

?️ 3 مارچ 2026اسلام آباد (سچ خبریں) ایران پر حملے سے پیدا صورتحال پر حکومت

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے