شام کو دہشت گردی سے پاک کرنا ہماری آرزو ہے: اردگان

?️ 20 دسمبر 2024

سچ خبریں: ترکی کے صدر رجب طیب اردگان نے قاہرہ میں D8 تنظیم کے 11ویں سربراہی اجلاس میں کہا کہ ہم امید کرتے ہیں کہ شام دہشت گردی سے پاک ہوجا یے گا۔

انہوں نے مزید کہا کہ شامی عوام کو اپنے جنگ زدہ ملک کے اتحاد اور احیاء کی ضرورت ہے۔ پڑوسیوں کے طور پر، ہم اس میں اپنا حصہ ڈالنے کی کوشش کرتے ہیں۔

ترک صدر نے مزید کہا کہ ہم فلسطین اور لبنان کے مسائل کے لیے ایک خصوصی اجلاس کریں گے۔

اردگان نے یہ بھی کہا کہ ہمیں عالمی امن کی ضرورت ہے۔ بدقسمتی سے بڑھتے ہوئے تنازعات، بحرانوں اور جنگوں کے پیش نظر عالمی سلامتی اور استحکام کو یقینی بنانے کے ذمہ دار ادارے اپنی ذمہ داریاں پوری نہیں کر رہے۔

انہوں نے کہا کہ میں سمجھتا ہوں کہ ہمیں D8 کے دستیاب مواقع کو زیادہ مؤثر طریقے سے استعمال کرنا چاہیے۔ مصر کی طرف سے ترجیحی تجارتی معاہدے کی توثیق کے بعد، اب اس معاہدے کو زیادہ وسیع فریم ورک میں نافذ کرنا ممکن ہو جائے گا۔

اردگان نے کہا کہ تنظیم کو وسعت دے کر اپنے دائرہ اثر کو بڑھانے کے لیے، ہمارے دروازے نئے اراکین اور شراکت داروں کے لیے کھلے ہونے چاہئیں۔ تنظیم میں آذربائیجان کی رکنیت کے ساتھ، آج ہم کل سے زیادہ مضبوط ہیں۔ میں آذربائیجان کو D8 میں شامل ہونے پر خوش آمدید کہتا ہوں۔