سید حسن نصراللہ نے فلسطینیوں کے لیے کیا کیا ہے؟صیہونی میڈیا کی زبانی

?️ 13 فروری 2024

سچ خبریں: صیہونی ذرائع ابلاغ نے اعتراف کیا کہ حزب اللہ صیہونی حکومت کے خلاف اپنی لڑائی اور فلسطینی قوم کی حمایت میں ثابت قدم ہیں۔

المیادین چینل کی رپورٹ کے مطابق صیہونی میڈیا نے کہا ہے کہ حزب اللہ نے آج بھی اسرائیل کے شمالی علاقوں کی جانب 2 راکٹ داغے۔

یہ بھی پڑھیں: حزب اللہ نے ابھی صرف اپنی 5 فیصد طاقت دکھائی ہے

ان ذرائع ابلاغ نے مزید کہا کہ غزہ کی پٹی میں جنگ بند کیے بغیر حزب اللہ کے حملے کبھی نہیں رکیں گے۔

صیہونی میڈیا نے تاکید کی کہ 7 اکتوبر سے حزب اللہ کے سکریٹری جنرل سید حسن نصر اللہ نے عملی اور زبانی طور پر ظاہر کیا ہے کہ میدان جنگ کے درمیان اتحاد ہے۔

اس رپورٹ میں کہا گیا ہے کہ سید حسن نصر اللہ یقینی طور پر اس مساوات کو کبھی نہیں بدلیں گے۔

صیہونی صحافی یہودا گلیکمان نے حال ہی میں کیکار ہاشبات اخبار میں شائع ہونے والے ایک کالم میں صیہونی حکومت کے سکیورٹی اداروں میں اپنے ذرائع کا حوالہ دیتے ہوئے لکھا ہے کہ حزب اللہ نے مقبوضہ علاقوں کے شمالی محاذ میں اپنی طاقت کا صرف 5 فیصد استعمال کیا ہے ان کے پاس ابھی بہت کچھ ہے۔

مزید پڑھیں: حزب اللہ نے 7 اکتوبر سے صیہونیوں کو کتنا نقصان پہنچایا ہے؟

اسی سکیورٹی ذرائع کا حوالہ دیتے ہوئے اس کالم میں حزب اللہ کے سیکرٹری جنرل سید حسن نصر اللہ کی شخصیت کا جائزہ لیا گیا ہے اور کہا گیا ہے کہ جب سے انہوں نے حزب اللہ کے سکریٹری جنرل کا عہدہ سنبھالا ہے، اسرائیلی فوج سے لڑنے کی ہر ممکن کوشش کی ہے اور ہمیشہ لبنان کے جنوب اور مقبوضہ علاقوں کے شمال میں اسرائیلی افواج کو کاتیوشا میزائلوں سے نشانہ بنایاہے جس کے نتیجہ میں حالیہ سالوں میں سالانہ 25 اسرائیلی فوجی مارے گئے ہیں۔