سعودی چینلوں کی متحدہ عرب امارات سے واپسی؛کیا سعودیوں نے اس ملک کے معاشی مرکز کو نشانہ بنایا ہے؟

?️ 5 ستمبر 2021

سچ خبریں:سعودی عرب کا اپنے چینلوں کو دبئی سے ریاض منتقل کرنے کا فیصلہ اس ملک اور متحدہ عرب امارات کے درمیان مختلف سطحوں پر پائے جانے والے تنازعات کے درمیان اس اقدام کے پس پردہ مقاصد کے بارے میں بہت سے سوالات اٹھاتا ہے۔
سعودی عرب اور متحدہ عرب امارات کے درمیان حالیہ عرصے خاص طور پر پچھلے سال کے تعلقات کو بیان کرنے کے لیے اختلاف اور دشمنی شاید سب سے مناسب شرائط ہیں، دونوں ممالک کے مابین مسابقتی پس منظر کے باوجود ، خاص طور پر ابوظہبی کے ولی عہد شہزادہ محمد بن زائد کی کوششوں کے سائے میں جو ایک طرف متحدہ عرب امارات کو خطے میں فروغ دینے کے لیے مختلف معاملات میں ملک کو علاقائی یہاں تک کہ بین الاقوامی کھلاڑی کے طور پر متعارف کرانے کے عزائم اوردوسری طرف سعودی عرب کے نوجوان ولی عہد محمد بن سلمان عرب اسلامی دنیا میں اپنا اثر و رسوخ بڑھانا چاہتے ہیں ، تاہم یمن کی جنگ میں متحدہ عرب امارات اور سعودی عرب کے درمیان سیاسی اختلافات اور جون 2019 میں ابوظہبی کے اس جنگ سے نکلنے کےاعلان کے بعد دونوں ممالک کے درمیان مزید اختلافات سامنے آئے۔

واضح رہے کہ جنوبی یمن میں دونوں فریقوں کی پراکسی قوتوں کے درمیان اختلافات بڑھتے جا رہے ہیں، متحدہ عرب امارات طویل عرصے سے یمنی الاصلاح پارٹی (یمنی اخوان المسلمین کی ایک شاخ) سے لڑنا اپنے مقاصد میں سے ایک سمجھتا ہےجبکہ اس پارٹی کی میزبانی ریاض کر رہا ہے اور وہ اس کے ساتھ مل کر معزول یمنی صدر عبد ربو منصور ہادی کی مدد کے لیے کام کر رہا ہے،یادرہے کہ ریاض اور ابوظہبی کی جانب سے اختلافات کو چھپانے کی کوششوں کے باوجود امریکہ میں حکومت کی تبدیلی کے فورا بعد قطر اور ترکی کے ساتھ سعودی عرب کے اچانک رابطےنے ان اختلافات کی نئی جہتیں ظاہر کیں جس سے اماراتی لوگوں میں عدم اطمینان پیدا ہوا اورانھوں نے سعودی کے خلاف سخت موقف اختیار کیا۔

قابل ذکر ہے کہ سعودی عرب کے نقش قدم پر چلتے ہوئے متحدہ عرب امارات نے 2017 میں قطر کا محاصرہ کیا اور ریاض کی پالیسیوں کی وجہ سے ابوظہبی اور انقرہ کے درمیان تعلقات کشیدہ ہوگئے، جبکہ سعودیوں نے متحدہ عرب امارات کو بتائے بغیر قطر اور ترکی کے ساتھ تعلقات بہتر بنانے کا فیصلہ کیا۔