سعودی عرب کا متحدہ عرب امارات اور قطر کے ساتھ فضائی مقابلے کا منصوبہ

?️ 3 جولائی 2021

سچ خبریں:سعودی عرب امارات اور قطر ایئر ویز کے ساتھ مقابلہ کرنے کے لیے ایک طاقتور اور آزاد ایئرلائن بنا رہا ہے۔
اسپوٹنک نیوز ایجنسی کی رپورٹ کے مطابق روئٹرز نے ایک رپورٹ میں لکھا ہے کہ سعودی عرب اپنی نئی قومی ایئر لائن کے ذریعے بین الاقوامی راہداری مسافروں کی ٹریفک کا احاطہ کرنے کا ارادہ رکھتا ہے نیز اس طرح خلیج فارس ، متحدہ عرب امارات اور قطر ایئر ویز کےبڑے بڑے جہازوں کا مقابلہ کرنا اور علاقائی مسابقت پیدا کرنے میں ایک نیا محاذ تشکیل دینا چاہتاہے۔

یادرہے کہ سعودی ولی عہد شہزادہ محمد بن سلمان نے منگل کے روز اعلان کیا کہ وہ تیل کی معیشت کو تنوع بخش بنانے اور نئی ملازمتیں پیدا کرنے کے مقصد سے سعودی بادشاہی کو پانچواں سب سے بڑا ہوائی نقل و حمل کا مرکز بنانے کے لئے کام کر رہے ہیں۔

واضح رہے کہ بن سلمان کی اس حکمت عملی کا مطلب سعودی عرب کی پالیسیوں کا رخ موڑنا ہے جس کے تحت دوسری ایئر لائنز زیادہ تر ملکی سطح خدمات مہیا کرتی ہیں اور اپنے 35 ملین لوگوں کو پوائنٹ ٹو پوائنٹ پروازیں فراہم کرتی ہیں وہ بھی اس میں شامل ہوجائیں۔

واضح رہے کہ محمد بن سلمان نے ابھی تک خلیج فارس کے خطے میں ہوائی مرکز قائم کرنے کے منصوبے کی تفصیلات کا اعلان نہیں کیا ہےتاہم انھوں نے فضائی میدان میں متحدہ عرب امارات اور قطر کو پیچھے چھوڑنے کے لیے کمر کسی ہوئی ہے،تام دیکھنا ہے کہ کس حدتک اس میں کامیاب ہوتے ہیں اور ان کے مالک کہاں تک انھیں ایسا کرنے کی اجازت دیتے ہیں۔