سعودی اتحاد اور انصاراللہ کے درمیان لاشوں کا تبادلہ

?️ 22 جون 2023

سچ خبریں:خبر رساں ذرائع نے اطلاع دی ہے کہ یمن کی انصار اللہ تحریک اور سعودی اتحاد سے وابستہ فورسز نے دونوں اطراف سے 64 فوجیوں کی لاشوں کا تبادلہ کیا۔

رشیا ٹوڈے کی رپورٹ کے مطابق یمن کی تحریک انصاراللہ سے وابستہ فوجی کمیٹی نے سعودی فوج کے ساتھ 64 لاشوں کے تبادلے کا عمل مکمل کرنے کا اعلان کیا ہے۔

یہ بھی پڑھیں:یمن اور سعودی اتحاد کے 1000 سے زائد قیدیوں کی عنقریب رہائی

رپورٹ کے مطابق اس کمیٹی نے اپنے بیان میں اس بات پر زور دیا ہے کہ ریاض اور صنعاء کے درمیان لاشوں کے براہ راست تبادلے کا معاہدہ فوج کے سربراہ یحییٰ عبداللہ الرزامی کی قیادت میں ​​مشاورت کے بعد کامیاب ہوا تھا۔

تحریک انصار اللہ کی مذکورہ کمیٹی کے بیان میں مزید کہا گیا کہ پہلے مرحلے میں 64 افراد کا تبادلہ کیا گیا جن میں انصار اللہ کے شہداء کی 58 اور سعودی فوج کی 6 لاشیں شامل ہیں۔

یہ بھی:یمن کے بارے میں امریکی اور سعودی حکام کا تبادلہ خیال

بیان میں وضاحت کی گئی ہے کہ لاشوں کے مزید تبادلے پر اتفاق کے لیے ماہرین کی فیلڈ کمیٹیاں تشکیل دی گئی ہیں، تحریک انصار اللہ کی عسکری کمیٹی نے کہا ہے کہ آنے والے دنوں میں مزید اقدامات اور معاہدے کیے جائیں گے۔