سات سال بعد پہلی بار یمنی حاجیوں کے چہروں پر مسکراہٹ

?️ 18 جون 2023

سچ خبریں:2016 کے بعد پہلی بار یمنی حجاج کے پہلے طیارے نے صنعاء کے بین الاقوامی ہوائی اڈے سے سعودی عرب کے لیے اڑان بھری۔

المیادین چینل کے نامہ نگار نے اطلاع دی ہے کہ یمن میں جنگ کے آغاز کے بعد پہلی بار یمنی عازمین حج کو لے کر پہلا طیارہ 275 مسافروں کے ساتھ صنعاء کے ہوائی اڈے سے سعودی عرب کے لیے روانہ ہوا۔

صنعاء کے بین الاقوامی ہوائی اڈے کے ایک باخبر ذریعے نے کہا کہ یمنی عازمین حج کا پہلا طیارہ 2016 کے بعد پہلی بار 275 حجاج کے ساتھ صنعاء کے ہوائی اڈے سے جدہ کے لیے روانہ ہوا۔

مزید پڑھیں:صنعا کا یمنی حاجیوں کے خلاف ریاض کے کریک ڈاؤن پر احتجاج

صنعاء حکومت کے وزیر ٹرانسپورٹیشن عبدالوہاب الدرہ نے کہا کہ صنعاء کے بین الاقوامی ہوائی اڈے سے حج پروازوں کا آغاز یمن کی سپریم پولیٹیکل کونسل کے سربراہ مہدی المشاط کی مسلسل کوششوں سے کیا گیا۔

انہوں نے مزید کہا کہ صنعاء کے ہوائی اڈے سے جدہ ہوائی اڈے کے لیے 4 پروازیں اور یمنی حاجیوں کی واپسی کے لیے 15 دیگر پروازیں استعمال کرنے کا منصوبہ ہے۔

یہ بھی پڑھیں:یمن نے سعودی عرب کو حج کا انتظام کرنے کے لیئے اہم پیشکش کردی

الدرہ نے توجہ دلائی کہ بیت اللہ الحرام کے زائرین کے ناموں کا تعین صنعاء کے ہوائی اڈے کے ذریعے کیا جانا ہے، انہوں نے اشارہ کیا کہ عازمین اور عمرہ زائرین کو مناسک حج ادا کرنے کے بعد صنعاء کے ہوائی اڈے کے راستے واپس آنا ہے۔

اس یمنی عہدیدار نے صنعاء کے بین الاقوامی ہوائی اڈے کو مکمل طور پر دوبارہ کھولنے کا مطالبہ بھی کیا جیسا یہ جنگ سے پہلے تھا۔