?️
سچ خبریں:مسجد الاقصی میں رمضان المبارک کے دوسرے جمعہ کو 250000 فلسطینی نمازیوں کی بے مثال حاضری کے بعد صیہونی اخبار نے اس مبارک مہینے کے تیسرے جمعہ کو صیہونی حکومت کے سکیورٹی اداروں کے لیے ایک اہم اور حقیقی امتحان قرار دیا۔
صیہونی اخبار ہارٹز کے عسکری تجزیہ کار آموس ہرئیل نے کہا کہ رمضان المبارک کا تیسرا جمعہ اور یہودیوں کی پسح عید ایک ساتھ ہیں لہٰذا یہ اسرائیل کے حفاظتی اداروں کے لیے ایک سنگین اور اہم امتحان ہو سکتا ہے جو رمضان المبارک کے شروع ہوتے ہی کسی بھی واقعے سے نمٹنے کے لیے الرٹ ہیں۔
ہرئیل نے نشاندہی کی کہ اسرائیلی سکیورٹی اداروں نے ماہ رمضان کے دوران مقبوضہ علاقوں میں کشیدگی اور تنازعات میں اضافے کے لیے خود کو تیار کیا تھا لیکن مغربی کنارے میں پہلا ہفتہ تقریباً پرامن رہا نیز مسجد اقصیٰ اور شہر قدس میں بھی یہی صورتحال رہی۔
انہوں نے اس بات پر زور دیا کہ فلسطینیوں کی اکثریت کے لیے عید الفطر تک حالات کا امن برقرار رکھنا اولین ترجیح ہے، اس صیہونی تجزیہ نگار نے صیہونی حکومت کے داخلی سلامتی کے وزیر ایتمار بن گوئر کے یہودیوں کی عید پسح کے موقع پر مسجد الاقصی پر مزید حملے کے خلاف خبردار کیا ہے۔
آموس ہرئیل نے کہا کہ بین گوئر اس عید کو بغیر شور شرابے اور ہنگامے کے نہیں گزار سکتے، واضح رہے کہ رمضان المبارک کے دوسرے جمعہ کی نماز مسجد الاقصی میں کم از کم ڈھائی لاکھ فلسطینی نمازیوں کی موجودگی میں ادا کی گئی جس سے صہیونی حلقوں میں خوف و ہراس پھیل گیا ہے۔
فلسطینی گروہوں نے اس واقعے کو غاصبوں پر فلسطینی قوم کی یقینی فتح کی علامت قرار دیا اور اس بات پر زور دیا کہ گذشتہ چند دہائیوں میں قدس اور مسجد اقصیٰ کی شناخت کی جنگ میں القدس کو فلسطین سے الگ کرنے کی صیہونی حکومت کی تمام کوششیں اور سازشیں ناکام ہو چکی ہیں۔


مشہور خبریں۔
جاپان اور برطانیہ کی یوکرین کو ایک ارب ڈالر کی امداد
?️ 25 دسمبر 2024سچ خبریں:یوکرین کی حکومت کو ملنے والی فوجی اور مالی امداد کے
دسمبر
کامران ٹیسوری کا کراچی سمیت سندھ بھر میں مردم شماری کیلئے ڈیڈلائن کی شرط ختم کرنے کا مطالبہ
?️ 15 اپریل 2023کراچی 🙁سچ خبریں) گورنر سندھ کامران خان ٹیسوری نے کراچی میں جاری
اپریل
اداکار عدنان ٹیپو فوج میں سلیکشن کے بعد کیوں بھاگ آئے؟
?️ 15 مارچ 2021کراچی(سچ خبریں) اداکاری دنیا ایسی ہے جس کے بارے میں آئے دن
مارچ
وفاقی کابینہ نے آئندہ مالی سال کے بجٹ کی منظوری دے دی
?️ 10 جون 2025اسلام آباد: (سچ خبریں) وزیراعظم شہباز شریف کی زیر صدارت وفاقی کابینہ
جون
کولمبیا کے صدر کو فلسطین کی حمایت کرنے کی سزا
?️ 27 ستمبر 2025سچ خبریں:امریکہ کی وزارت خارجہ نے اعلان کیا ہے کہ کولمبیا کے
ستمبر
حماس کو غیر مسلح کرنا اسلام آباد کی سرخ لکیر ہے: پاکستانی عسکری ذرائع
?️ 25 جنوری 2026سچ خبریں:پاکستانی فوجی ذرائع نے واضح کیا ہے کہ غزہ امن کمیٹی
جنوری
ہندوستان کا نام بدل کر "بہارت” کر دیا گیا ہے
?️ 5 ستمبر 2023سچ خبریں: بھارتی میڈیا نے اعلان کیا کہ ملک کی حکومت جلد
ستمبر
چین سے ویکسین کی ایک اور بڑی کھیپ اسلام آباد پہنچ گئی
?️ 8 اگست 2021اسلام آباد (سچ خبریں) عالمی وباء کورونا وائرس کے پیش نظر پی
اگست