دیر الزور میں امریکی اڈے پر دھماکوں کے بارے میں متضاد خبریں

?️ 20 اپریل 2023

سچ خبریں:ذرائع ابلاغ نے شام کے دیر الزور کے شمال میں مشتبہ حملوں اور کئی بڑے دھماکوں کی آواز کی اطلاع دی۔

شام کے حکومت مخالف ایک گروپ جسے سیرین ہیومن رائٹس واچ کے نام سے جانا جاتا ہے، نے دیر الزور کے شمال میں واقع البدیع کے علاقے میں کئی سلسلہ وار زور دار دھماکوں کے بارے میں خبر دی ہے۔

شامی اس گروپ کے مطابق دھماکوں کے بعد امریکہ کی قیادت میں سرگررم بین الاقوامی اتحاد کے متعدد طیارے مشرقی شام کے صوبہ دیر الزور میں واقع العمر آئل فیلڈ امریکی افواج کے اڈوں پر پرواز کرتے نظر آئے۔

شامی حکومت کے مخالف انسانی حقوق کے نگراں ادارے کی رپورٹ کے مطابق دیر الزور کے شمال میں بادیہ کے علاقے میں متعدد دھماکوں کی سماعت کے دوران اتحادی طیاروں نے بادیہ السجر علاقے پر روشی روند چھوڑ رہے ہیں۔

اس غیر مصدقہ رپورٹ کی بنیاد پر بین الاقوامی اتحادی افواج نے ایک مشترکہ سکیورٹی آپریشن ٹیم تشکیل دی ہے جو اس علاقے میں دہشت گرد عناصر کی باقیات کا تعاقب کر رہی ہے، یاد رہے کہ شام میں غیر قانونی امریکی اڈوں پر حملوں میں حالیہ مہینوں میں تیزی آئی ہے۔ گزشتہ ماہ کے آغاز میں امریکی سینٹرل کمانڈ نے اعلان کیا تھا کہ مشرقی شام میں اس ملک کے فوجی اڈے پر دو راکٹ داغے گئے ، تاہم کوئی جانی نقصان نہیں ہوا۔

قابل ذکر ہے کہ امریکہ کے شام میں 28 فوجی اڈے ہیں جن میں سے زیادہ تر شام کے تیل اور گیس سے مالا مال علاقوں میں واقع ہیں تاکہ اس ملک کے تیل کے وسائل کو ہر ممکن حد تک آسانی سے لوٹا جا سکے، مزید یہ کہ ہفتہ وار بنیادوں پر امریکہ کی طرف سے شامی تیل کی لوٹ مار اور اس کی عراق منتقلی کی خبریں شائع ہوتی ہیں۔