مشرقی شام میں 2 امریکی اڈوں پر 20 سے زائد راکٹ فائر

?️ 25 مارچ 2023

سچ خبریں:شام کے شمال مشرق میں واقع دیر الزور صوبے میں 2 امریکی اڈوں پر 20 سے زائد راکٹ فائر کیے گئے۔

العالم نیوز چینل کی رپورٹ کے مطابق شام کے شمال مشرق میں واقع صوبہ دیرالزور میں 2 امریکی اڈوں پر 20 سے زائد راکٹ فائر کیے گئے، رپورٹ کے مطابق جمعے کی رات دیر الزور (فرات کے مشرق) میں واقع العمر اور کونیکو آئل اور گیس فیلڈز میں امریکہ کے دو غیر قانونی اڈوں پر 20 سے زائد راکٹ فائر کیے گئے۔

ذرائع کا کہنا ہے کہ ان راکٹ حملوں کے بعد امریکی ہیلی کاپٹروں نے کونیکو گیس فیلڈ پر پرواز کی،دوسری جانب ایک امریکی فوجی عہدیدار نے قطر کے الجزیرہ چینل کو بتایا کہ مشرقی شام میں امریکی اڈوں میں سے ایک کو 8 میزائلوں سے نشانہ بنایا گیا،انہوں نے نام ظاہر نہ کرنے کی شرط پر بتایا کہ واشنگٹن اس راکٹ حملے کے نقصان کا اندازہ لگا رہا ہے۔
یاد رہے کہ امریکی حکام نے مذکورہ حملے کی سرکاری طور پر تصدیق کرتے ہوئے کہا کہ ہم نقصانات اور ہلاکتوں کا تخمینہ لگا رہے ہیں جبکہ سی این این کا کہنا تھا کہ ایران سے منسلک عسکریت پسند گروپوں نے دیرالزور کے قریب تیل اور گیس کے فیلڈ کے قریب امریکی فورسز کو کئی میزائلوں سے نشانہ بنایا، تاہم اس حملے میں امریکی افواج کی ہلاکتوں کے درست اعدادوشمار دستیاب نہیں!

سی‌بی‌اس نیوز نے ایک رپورت میں لکھا کہ شمال مشرقی شام میں امریکی فوجی اڈوں پر نئے میزائل حملے کیے گئے ہیں،یاد رہے کہ یہ حملے اسی علاقے میں امریکی زیرقیادت اتحاد کے ایک فوجی اڈے پر کیے جانے والے ڈرون حملے جس میں ایک امریکی فوجی کے ہلاک اور متعدد کے زخمی ہونے کے ٹھیک ایک دن بعد ہوئے ہیں۔