حماس کی شاباک کے سربراہ کو قتل کی دھمکی:صیہونی میڈیا

?️ 20 مئی 2023

صیہونی میڈیا نے دعویٰ کیا ہے کہ فلسطین کی اسلامی مزاحمتی تحریک (حماس) نے صیہونی حکومت کے داخلی سلامتی کے وزیر اتمر بن غفیر کو قتل کرنے کی دھمکی دی ہے۔

عبرانی زبان کے ایک میڈیا نے جمعرات کی شب دعویٰ کیا ہے کہ فلسطین کی اسلامی مزاحمتی تحریک حماس نے صیہونی حکومت کے داخلی سلامتی(شاباک) کے وزیر کے ایتمار بن غفیر کو قتل کرنے کی دھمکی دی ہے۔ صہیونی نیوز ویب سائٹ مفزاکی راعم نے ایک ویڈیو شائع کی ہے جس میں چار مسلح افراد کو سر پر سبز اسکارف اور کالے کپڑے پہنے ہوئے دکھایا گیا ہے۔

مذکورہ ویڈیو میں دکھایا گیا ہے کہ ان چار افراد میں سے ایک، جو حماس کا رکن لگتا ہے، بن غفیر کی تصویر نکال کر اس پر پسٹل رکھتا ہے، اس ویب سائٹ نے اس کاروائی کو بن غفیر کے لیے قتل کی دھمکی قرار دیا، اس سلسلے میں صیہونی حکومت کے چینل7 نے اس فلم کی ریلیز سے چند منٹ قبل بن غفیر کے حوالے سے خبر دی کہ انہوں نے فلیگ مارچ کے اختتام پر کہا کہ ہم دھمکیاں دینے والی حماس سے کہتے ہیں کہ ہم بیت المقدس میں رہنے کا اپنا خواب پورا کریں گے۔

فلیگ مارچ ہر سال 28 مئی کو 1967 کی جنگ میں صیہونی حکومت کی طرف سے مقبوضہ بیت المقدس کے پرانے حصے پر قبضے کی برسی کے موقع پر منعقد کیا جاتا ہے۔