حماس اور اسرائیل کے درمیان جنگ بندی پر روسی وزیر خارجہ کا رد عمل

حماس اور اسرائیل کے درمیان جنگ بندی پر روسی وزیر خارجہ کا رد عمل

 روس کے وزیر خارجہ سرگئی لاوروف نے فلسطینی تنظیم حماس اور اسرائیل کے درمیان جنگ بندی کے اعلان پر ردعمل دیتے ہوئے کہا ہے کہ کسی بھی معاہدے کا اصل مقصد خونریزی کا فوری خاتمہ، انسانی جانوں کی حفاظت اور خطے کی بحالی ہونا چاہیے۔

لاوروف نے کہا کہ ٹرمپ کا 20 نکاتی منصوبہ ایک عمومی خاکہ ہے جو زیادہ تر نوار غزه پر مرکوز ہے، لیکن یہ موجودہ حالات میں سب سے عملی اور مؤثر حل ہو سکتا ہے۔ انہوں نے زور دیا کہ سب سے اہم بات یہ ہے کہ یہ منصوبہ فلسطینی عوام کے لیے قابل قبول ہونا چاہیے۔

انہوں نے مزید کہا اہم چیلنج یہ ہے کہ غزہ میں لڑائی دوبارہ شروع نہ ہو۔ منصوبے کی تفصیلات کو بغور جانچنا ضروری ہے تاکہ خطے میں امن قائم رہے۔”

رپورٹس کے مطابق، اسرائیل میں کابینہ کی منظوری کے بعد اسرائیلی قیدیوں کی رہائی اور معاہدے کے دیگر اقدامات شروع کیے جائیں گے۔ وزیراعظم بنیامین نیتن یاہو نے ڈونلڈ ٹرمپ اور ان کی ٹیم کا شکریہ ادا کرتے ہوئے کہا کہ کل کابینہ اجلاس میں معاہدے کی منظوری دی جائے گی۔

فلسطینی تنظیم حماس نے بھی باضابطہ اعلان کیا کہ جنگ بندی اور قیدیوں کے تبادلے کا معاہدہ شرم الشیخ مذاکرات کے بعد حاصل کیا گیا۔ حماس نے ثالث ممالک قطر، مصر اور ترکی اور امریکہ کی کوششوں کو سراہا اور کہا کہ وہ اسرائیل پر دباؤ ڈالیں گے کہ وہ معاہدے پر مکمل عمل درآمد کرے۔

حماس نے عوام کو پیغام دیا ہماری قربانیاں اور مزاحمت رائیگاں نہیں جائیں گی۔ ہم اپنے وعدے کے پابند رہیں گے اور فلسطینی عوام کے حقوق، آزادی اور خودمختاری تک جدوجہد جاری رکھیں گے۔