حاجیوں کی خدمت کے لیے 22000 افراد کی بھرتی

?️ 30 مئی 2023

سچ خبریں:مکہ مکرمہ کی مونسپلٹی کے ترجمان نے اس سال حج کے دوران خانہ خدا کے مہمانوں کے استقبال کے لیے ہزاروں انسانی وسائل استعمال کرنے کا اعلان کیا ہے۔

الیوم السابع نیوز ویب سائٹ نے مکہ المکرمہ مونسپلٹی کے سرکاری ترجمان اسامہ زیتونی کے حوالے سے رپورٹ دی ہے کہ اس مونسپلٹی نے تمام انسانی وسائل کے ساتھ ساتھ آلات اور طبی ٹیمیں بھی خانہ خدا کے مہمانوں کے استقبال کے لیے بھرتی کی ہیں۔

انہوں نے مزید کہا کہمذکورہ مونسپلٹی نے حج کے دوران خدمت رسانی کے لیے 28 سروس سینٹرز کے علاوہ 13 شعبوں میں اپنی ذیلی شاخوں کو لیس کیا ہے،انہوں نے کہا کہ یہ سروس سینٹرز جغرافیائی طور پر پورے خطے میں پھیلے ہوئی ہیں،انہیں ضروری سامان اور انسانی وسائل فراہم کیے گئے ہیں۔

زیتونی نے کہا کہ اس منصوبے کو عملی جامہ پہنانے کے لیے 22000 انسانی وسائل لگائے گئے ہیں، جو تمام شعبوں میں سرگرم ہیں، ان لوگوں میں ڈاکٹروں کے ساتھ مونسپلٹی کے ملازمین، فائر اینڈ کلیننگ فورس اور ذبح اور قربانی کے لیے خصوصی دستے شامل ہیں۔

انہوں نے مزید کہا کہ بارش یا آگ جیسی ہنگامی صورتحال کا مقابلہ کرنے کے لیے مرکزی فورسز نے ہر مخصوص علاقے کی مدد کے لیے حرکت میں آنے کا عزم کیا ہے۔

زیتونی نے تاکید کی کہ مقدس مقامات کی صفائی اور کوڑا کرکٹ کو جمع کرنے کے لیے الیکٹرک اور خودکار آلات ان علاقوں میں جہاں حجاج کی موجودگی دیگر علاقوں کے مقابلے میں زیادہ نظر آئے گی ،چوبیس گھنٹے کام کریں گے۔