جنوبی شام میں اسرائیلی تجاوزات کا سلسلہ جاری،الصمدانیہ میں نیا چیک پوسٹ قائم

?️ 18 نومبر 2025

جنوبی شام میں اسرائیلی تجاوزات کا سلسلہ جاری،الصمدانیہ میں نیا چیک پوسٹ قائم

جنوبی شام میں اسرائیلی تجاوزات کا سلسلہ جاری ہے اور اسرائیلی فوج کی ایک گشتی گاڑی منگل کے روز صوبہ قنیطرہ کے شمالی مضافات میں واقع گاؤں الصمدانیہ میں داخل ہوئی، جہاں اس نے ایک نیا چیک پوسٹ قائم کر دیا۔

موصولہ اطلاعات کے مطابق اسرائیلی فوج کی جانب سے خطے میں دراندازی کا یہ تازہ واقعہ ایسے وقت پیش آیا ہے جب ایک روز قبل بھی اسرائیلی اہلکاروں نے قنیطرہ کے مرکزی علاقوں میں گھس کر ایک چیک پوسٹ قائم کی تھی۔ اس سے پہلے اسرائیلی فوجی گاؤں الصمدانیہ الشرقیہ اور شہر خان ارنبة کے درمیان بھی پیش قدمی کرتے ہوئے ایک چیک پوسٹ بنا چکے ہیں۔

اسرائیلی افواج کی جانب سے شام کی سرزمین پر مسلسل حملے اور پیش قدمی 1974 کے عدمِ درگیری سمجھوتے، بین الاقوامی قوانین اور اقوام متحدہ کی قراردادوں کی کھلی خلاف ورزی ہے۔ شامی حکومت ان کارروائیوں کی مذمت کرتی ہے اور عالمی برادری سے مطالبہ کر رہی ہے کہ وہ اسرائیل کی جارحیت روکنے کے لیے ٹھوس اور مؤثر اقدامات کرے۔