جرمنی میں اسرائیل کی حمایت کے خلاف مظاہرہ

جرمنی میں اسرائیل کی حمایت کے خلاف مظاہرہ

 ہفتہ کے روز برلن میں دس ہزاروں جرمن شہریوں نے اسرائیل کی غزہ میں کارروائیوں میں جرمنی کی حمایت کے خلاف مظاہرے میں حصہ لیا۔یہ مظاہرہ ، نسل کشی کو روکو کے عنوان سے منعقد ہوا۔ مظاہرین نے حکومت سے مطالبہ کیا کہ وہ اسرائیل کی نسل کشی میں شراکت داری بند کرے اور تمام فوجی تعاون، بشمول ہتھیار، گولہ بارود اور دیگر عسکری سامان کی خرید و فروخت روک دے۔

مظاہرین نے فلسطین کے حق میں نعرے لگائے اور پوسٹر اٹھا رکھے تھے جن پر غزہ میں نسل کشی روکو آزادی فلسطین،اب کوئی بھی یہ ظلم برداشت نہ کرے کے جملے درج تھے۔

یہ مظاہرہ 50 سے زائد گروپوں کی مشترکہ اپیل پر منعقد ہوا، جن میں فلسطین کے حق میں سرگرم تنظیمیں، میڈیکو انٹرنیشنل، ایمینسٹی انٹرنیشنل اور جرمنی کی اپوزیشن پارٹی شامل تھیں۔ پولیس کے ابتدائی اندازوں کے مطابق تقریباً 18 ہزار افراد نے برلن کے سٹی ہال کے سامنے جمع ہو کر احتجاج کیا۔

مظاہرین نے مطالبہ کیا کہ جرمنی فوری طور پر اسرائیل کو ہتھیار کی برآمدات بند کرے، غزہ میں انسانی امداد کی رسائی ممکن بنائے اور یورپی یونین اسرائیل پر پابندیاں عائد کرے۔

جرمنی کی اپوزیشن پارٹی کے سربراہ انس شورڈٹنر نے کہا صدراعظم فریڈرِش میرٹس اور وزرا باتیں تو کرتے ہیں، لیکن عمل نہیں کرتے۔ وہ ‘قومی وجوہات کے نام پر بات کرتے ہیں، جبکہ غزہ میں اسپتال تباہ ہو چکے ہیں۔ وہ نسل کشی پر خاموش ہیں اور اس میں شراکت دار ہیں۔ایک حالیہ سروے میں بتایا گیا کہ 62 فیصد جرمن شہری سمجھتے ہیں کہ اسرائیل کی کارروائیاں غزہ میں نسل کشی کے مترادف ہیں۔