بن گویر کی جانب سے صمود کے بحری بیڑے کے ارکان کی توہین، انسانی وقار پر حملہ 

سچ خبریں:آٹھ عرب اور اسلامی ممالک کے وزرائے خارجہ نے آج اتوار کو جاری کردہ ایک مشترکہ بیان میں کہا ہے کہ ہم صہیونی حکومت کے انتہاپسند وزیر اٹمر بن گویر کے ان اقدامات کی مذمت کرتے ہیں جو انہوں نے صمود فلوٹیلا کے ارکان کے خلاف کیے ہیں۔

آٹھ عرب اور اسلامی ممالک کے وزرائے خارجہ کے اس حوالے سے جاری کردہ بیان میں کہا گیا ہے کہ بن گوبر کی جانب سے کی گئی دانستہ توہین، انسانی وقار پر ایک شرمناک حملہ ہے۔

واضح رہے کہ فرانس کے وزیر خارجہ ژاں نویل بارو نے کل ہفتے کے روز کہا تھا کہ میں اپنے اطالوی ہم منصب سے اتفاق کرتا ہوں اور یورپی یونین سے مطالبہ کرتا ہوں کہ وہ بن گویر (صہیونی حکومت کے داخلی سلامتی کے وزیر) پر پابندیاں عائد کرے۔ بن گویر کو صمود فلوٹیلا کے کارکنوں کے ساتھ ناقابل قبول رویے کی وجہ سے فرانس میں داخلے پر پابندی عائد کر دی گئی ہے۔

اس سے قبل فرانس کی وزارت خارجہ نے بدھ کے روز عالمی صمود فلوٹیلا کے مسافروں کے ساتھ رویے کے خلاف احتجاجاً صہیونی حکومت کے سفیر کو طلب کیا تھا۔

اس سے قبل اطالویہ نے بھی اٹمر بن گویر کی ویڈیو جاری کرنے کے سبب صہیونی حکومت کے سفیر کو طلب کیا تھا۔

صہیونی حکومت کے داخلی سلامتی کے وزیر اور اس کی فوج کے اہلکاروں کی جانب سے حراست میں لیے گئے صمود فلوٹیلا کے کارکنوں کے ساتھ بدسلوکی اور غیر انسانی رویے کی تصاویر منظر عام پر آنے کے بعد عالمی سطح پر شدید ردعمل سامنے آیا ہے۔