ایران کے فوجی و میزائل نظام میں نمایاں اضافہ

سچ خبریں: لبنانی تجزیہ کار محمد ہزیمہ نے زور دے کر کہا ہے کہ حالیہ واقعات نے واضح طور پر یہ ظاہر کر دیا ہے کہ اسلامی جمہوریہ ایران خطے اور دنیا میں ایک بااثر اسٹریٹجک قوت بن چکا ہے۔ 

حالیہ صف آرائی جو ایران کو زیر کرنے یا اسے کمزور کرنے کے مقصد سے کھڑی کی گئی تھی، ناکام ہو گئی ہے۔

انہوں نے مزید کہا کہ صہیونی ریاست آج ایک کمزور ریاست کے طور پر شمار ہوتی ہے جو ایران کی بڑھتی ہوئی طاقت کے سامنے اپنا وجود اور اپنی سلامتی بچانے کے لیے تگ و دو کر رہی ہے۔ اسلامی جمہوریہ ایران نے اپنی میزائل اور فوجی طاقت کو ازسرنو استوار کیا ہے۔ اس کے فوجی صنعت اور بیلسٹک میزائل بہتر ہوئے ہیں، خاص طور پر وہ میزائل جو زیر زمین پناہ گاہوں میں داخل ہونے کی صلاحیت رکھتے ہیں۔

ہزیمہ نے واضح کیا کہ ایران اپنے میزائل مختلف مقامات سے فائر کر سکتا ہے اور یہ بات صہیونی ریاست کو خطرے میں ڈالتی ہے۔ ایران کا بین الاقوامی مقام اور دفاعی اسٹریٹجی مضبوط ہوئی ہے اور اس ملک کے خلاف حالیہ جنگ نے اس کی جیو پولیٹیکل طاقت اور خطے کی سلامتی پر اس کے اثرات کا اندازہ کرایا ہے۔ ایران کے ساتھ مستقبل کی کوئی بھی جارحانہ کشمکش حملہ آور فریقوں کے لیے بہت مہنگی ثابت ہو گی۔