ایران کے ساتھ مذاکرات پھر سے شروع کرنے کے لیے تیار ہیں: امریکہ

?️ 13 جولائی 2021

سچ خبریں:امریکی محکمہ خارجہ کے ترجمان نے دعوی کیا ہے کہ امریکہ ایران کے ایٹمی معاہدے کی بحالی کے معاملے پر اس ملک کے ساتھ مذاکرات کی میز پر واپس جانے کے لئے تیار ہے۔
روئٹرز خبر رساں ادارے کی رپورٹ کے مطابق امریکی محکمہ خارجہ کے نے ایٹمی معاہدے کی بحالی سے متعلق ایران کے ساتھ بالواسطہ مذاکرات میں واپسی کی تیاری کا اعلان کیا ہے،امریکی محکمہ خارجہ کے ترجمان نیڈ پرائس نے ایک نیوز کانفرنس میں بتایا کہ امریکہ نے واضح کردیا ہے کہ وہ ویانا مذاکرات کے ساتویں دور کے لئے تیار ہے۔

انہوں نے مزید کہاکہ مذاکرات کے عمل کو جاری رکھنے کے لئے ایران کی تیاری کا سوال ایرانی حکام سے پوچھا جانا چاہئے اور صرف تہران ہی مذاکرات کی بحالی کے لئے وقت کا تعین کرسکتا ہے، پرائس نے کہاکہ ہم مذاکرات کے لئے کوئی ڈیڈ لائن طے نہیں کریں گے لیکن ہم جانتے ہیں کہ وقت کے گذرنے کے ساتھ ساتھ جس طرح ایران جوہری ترقی کر رہا ہے یہ آخر کار جامع مشترکہ ایکشن پلان میں واپسی کے ہمارے مؤقف کو متاثر کرے گا۔

واضح رہے کہ ایران نے صاف طور پر اعلان کیا ہے کہ وہ امریکہ کے ساتھ کسی بھی کے مذاکرات کرنے کے لیے تیار نہیں ہے اس لیے کہ امریکہ خود ہی معاہدے سے بغیر کسی وجہ سے خارج ہوا تھا لہذا اب اگر واپس آنا چاہتا ہے تو پہلے اسے ایران کے خلاف عائد تمام پابندیوں کو ختم کرنا ہوگا اور ایران اس کو آزمائے گا اس کے بعد امریکہ کی واپسی کا امکان ہے۔