ایران کے خلاف ٹرمپ کی نئی بیان بازی

سچ خبریں: امریکی صدر ڈونلڈ ٹرمپ نے ایک بار پھر ایران کے خلاف اپنی بیان بازی جاری رکھتے ہوئے دعویٰ کیا ہے کہ اگر معاہدہ نہ ہو سکا تو امریکہ ڈیاگو گارسیا جزیرے اور فیئر فورڈ ائیر بیس پر واقع اپنے فوجی اڈوں کو استعمال کرنے پر مجبور ہو سکتا ہے۔

برطانوی وزیراعظم کیئر اسٹارمر کو دیئے گئے ایک پیغام میں ڈونلڈ ٹرمپ نے ڈیاگو گارسیا جزیرے کی صورتحال کا حوالہ دیتے ہوئے کہا کہ میں نے ان سے کہا ہے کہ ڈیاگو گارسیا جزیرے کو کرائے پر دینا کوئی مناسب اقدام نہیں ہے اور اس جزیرے کے حوالے سے 100 سالہ لیز پر داخل ہونا ایک بڑی غلطی ہوگی۔

انہوں نے اس جزیرے کی ملکیت سے متعلق دعووں پر سوال اٹھاتے ہوئے الزام لگایا کہ جو لوگ ڈیاگو گارسیا پر حق اور ملکیت کا دعویٰ کر رہے ہیں، ان کے دعوے ہمارے نزدیک من گھڑت ہیں۔

امریکی صدر نے اسلامی جمہوریہ ایران کے خلاف اپنی جھوٹی دھمکیوں کو جاری رکھتے ہوئے کہا کہ اگر ایران معاہدہ نہ کرنے کا فیصلہ کرتا ہے تو ممکن ہے کہ امریکہ کو کسی ممکنہ خطرے سے نمٹنے کے لیے ڈیاگو گارسیا اور فیئر فورڈ ائیر بیس استعمال کرنے کی ضرورت پیش آئے، ایسا خطرہ جو برطانیہ اور دیگر دوست ممالک کو لاحق ہو سکتا ہے۔

آخر میں انہوں نے برطانوی وزیراعظم کو متنبہ کرتے ہوئے دوبارہ حکم عدولی کے لہجے میں کہا کہ برطانیہ کو کسی بھی صورت میں ڈیاگو گارسیا پر اپنا کنٹرول نہیں کھونا چاہیے۔