اٹلی میں مہلک چاقو حملہ؛آرسنل کا کھلاڑی بھی زخمی

?️ 29 اکتوبر 2022

سچ خبریں:اٹلی کے ایک شہر میں چاقو حملے میں ایک شخص ہلاک اور چار زخمی ہو گئے جن میں آرسنل کا کھلاڑی بھی شامل ہے۔

فرانس نیوز ایجنسی کی رپورٹ کے مطابق اٹلی کے شہر میلان کے قریب ایک علاقے میں چاقو کے وار سے ایک شخص ہلاک اور متعدد زخمی ہو گئے، رپورٹ کے مطابق میلان کے نواحی قصبے آساگو میں ایک ادھیڑ عمر شخص نے ایک سپر مارکیٹ کے اندر حملہ کر کے ایک شخص کو ہلاک اور چار افراد کو زخمی کر دیا جن میں سے بعض کی حالت تشویشناک ہے۔

پولیس کے مطابق اس 45 سالہ حملہ آور کو گرفتار کیا گیا ہے تاہم کہا جا رہا ہے کہ اسے ذہنی عارضہ لاحق ہے جبکہ ابھی تک اس حملے کے پیچھے محرکات کا تعین نہیں ہو سکا ہے، اس وار میں زخمی ہونے والوں میں برطاونی آرسنل فٹبال ٹیم کے کھلاڑی پابلو ماری کا نام دیکھا جا سکتا ہے جو اس وقت اٹلی کی مونزا ٹیم میں وقتی طور پر کھیل رہا ہے۔

آرسنل ٹیم کے کوچ نے اس بارے میں کہا کہ ٹیکنیکل ٹیم کے منیجر میری کے رشتہ داروں سے رابطے میں ہیں اور وہ ہسپتال میں داخل ہیں تاہم ان کی حالت مستحکم ہے ، یاد رہے کہ گزشتہ ماہ، کینیڈین پولیس نے اطلاع دی تھی کہ کینیڈا کے شہر سسکیچیوان میں چاقو مارنے کے متعدد واقعات میں کم از کم 10 افراد ہلاک اور متعدد زخمی ہوئے تھے جبکہ اس سے قبل ناروے کے جنوب میں واقع شہر نومدال میں سرد ہتھیاروں سے کیے گئے حملے میں کم از کم چار افراد زخمی ہوئے۔