امریکہ کی دہشت گرد پروری کو جواز فراہم کرنے کی جدوجہد

?️ 8 مارچ 2022

سچ خبریں:یوکرین کی حکومت کی جانب سے اپنے ملک میں لڑنے کے لیے مختلف ممالک کے 16 ہزار کرائے کے فوجیوں پر مشتمل ایک "انٹرنیشنل فورس” تشکیل دینے کے فیصلے اور شام میں التنف اڈے سے داعش کے کچھ افراد کو یوکرین منتقل کرنے کی امریکی سازش کے انکشاف کے بعدامریکی ذہنیت نے ایک سازش رچائی تاکہ اس کے ذریعہ یوکرین میں لڑنے کے لیے کرائے کے فوجیوں اور داعش کے جنگجوؤں کو بھرتی کرنے کے نتیجے میں رائے عامہ کو پہنچنے والے صدمے کو کم کیا جائے۔
وال اسٹریٹ جرنل، جس کا مشن اس طرح کی امریکی سازشوں کا پرچار کرنا ہے، نے امریکی حکام کے حوالے سے کہا کہ ماسکو نے شامی افواج کو یوکرین میں لڑنے کے لیے 200 ڈالر میں استعمال کیا ہے،قابل ذکر ہے کہ امریکی حکام جن کا حوالہ وال سٹریٹ جرنل نے دیا ہے ، نے شامی جنگجوؤں کے لیے مختص کی گئی رقم 200 سے 300 ڈالر بتائی ہے ،تاہم انھوں نے جنگجوؤں کی صحیح تعداد یا مقام کا ذکر نہیں کیا ہے بلکہ صرف کئی جنگجوؤں کا جملہ دہرانے پر ہی اکتفا کی ہے۔

ہم نہیں جانتے کہ شامی افواج یوکرین میں لڑنے کے لیے کیسے جا رہی ہیں، جب کہ ان کا ملک 11 سال سے امریکی اور تکفیری اتحاد سے لڑ رہا ہے۔ ایک ایسا اتحاد جس نے شام میں افراتفری اور عدم تحفظ پھیلانے کے لیے پوری دنیا سے دسیوں ہزار تکفیریوں اور کرائے کے فوجیوں کو بھرتی کیا ہے۔

ہم یہ بھی نہیں جانتے کہ ایک سپر پاور کے طور پر سب سے طاقتور فوج نیز کھلے عام اور براہ راست یوکرین کے ساتھ جنگ کرنے والے روس کو یوکرین میں لڑنے کے لیے کچھ شامی جنگجوؤں” کی ضرورت کیوں محسوس ہوئی ہے؟!