سچ خبریں: یمنی ساحلی دفاعی فورس کے کمانڈر نے امریکہ کو خبردار کرتے ہوئے اس بات پر زور دیا کہ یمنی افواج بحیرہ احمر میں امریکہ کی نقل و حرکت پر نظر رکھے ہوئے ہیں اور انہیں کسی بھی صورت میں یمن کے علاقائی پانیوں کے قریب جانے کی اجازت نہیں دیں گے۔
یمنی کوسٹل ڈیفنس فورس کے کمانڈر محمد القادری نے المسیرہ چینل کو انٹرویو دیتے ہوئے امریکہ کو خبردار کیا کہ جب سے امریکی افواج نہر سویز میں داخل ہوئی ہیں یمنی ساحلی دفاعی فورس ان کی کی نگرانی کر رہی ہے، وہ اور انہیں ملک کے پانیوں کے قریب جانے کی اجازت نہیں دے گی۔
یہ بھی پڑھیں: سعودی عرب نے اسرائیل کو بحیرہ احمر تک کی اجازت دی
محمد القادری نے مزید کہا کہ بحیرہ احمر اور باب المندب میں امریکی اور صیہونی افواج کی موجودگی اشتعال انگیز ہے ،تاہم یمنی بحریہ کے پاس دشمن کا مقابلہ کرنے کی بھرپور صلاحیت ہے جسے دیکھ کر وہ حیران رہ جائیں گے۔
القادری نے اس بات کا بھی ذکر کیا کہ یمنی بحریہ نے جنگ بندی کے دورانیے اور کشیدگی میں کمی کے دوران اپنی صلاحیتوں کی تعمیر اور ترقی کے لیے بے مثال اقدامات کیے ہیں جو دشمن کے لیے حیران کن ہیں۔
آخر میں انہوں نے اس بات پر زور دیا کہ یمن کے ساحلوں پر تعینات افواج کسی بھی ممکنہ جارحیت کا جواب دینے کے لیے پوری طرح تیار ہیں جو کسی کو بھی یمن کی آبی حدود کی خلاف ورزی کی اجازت نہیں دیں گی۔
یمنی ساحلی دفاعی فورس کے کمانڈر نے امریکی فوجیوں کے ایک نئے گروپ کے مغربی ایشیا بھیجے جانے کا ذکر کرتے ہوئے کہا کہ 7 اگست کو امریکی بحریہ کے پانچویں بیڑے نے مغربی ایشیا، خاص طور پر بحیرہ احمر (مغربی یمن) میں 3000 سے زیادہ امریکی ملاحوں اور فوجیوں کی آمد کا اعلان کیا۔
مزید پڑھیں: ہم یمن کے ارد گرد پانی کے کسی بھی حصے کو نشانہ بنا سکتے ہیں: مہدی المشاط
یاد رہے کہ اس سے قبل یمن کی نیشنل سالویشن گورنمنٹ کے نائب وزیر خارجہ حسین العزی نے ٹوئٹر کے اپنے اکاؤنٹ پر امریکی افواج کو یمن کے علاقائی پانیوں کے قریب آنے کے بارے میں خبردار کیا تھا۔
