اقوام متحدہ کا فلسطینیوں کی حمایت کرنے کا انوکھا انداز

?️ 4 نومبر 2023

سچ خبریں: اقوام متحدہ کے سکریٹری جنرل نے ایک بار پھر غزہ کی صورتحال اور فلسطینیوں کے خلاف صہیونی فوج کے جرائم کے حوالے سے کمزور موقف اختیار کیا۔

المیادین چینل کی رپورٹ کے مطابق اقوام متحدہ کے سکریٹری جنرل انتونیو گوٹریس نے، جو ہمیشہ معصوم فلسطینیوں کے خلاف صیہونی حکومت کی فوج کے وحشیانہ حملوں کے حق میں مؤقف اختیار کرتے ہیں، اس بار کہا کہ غزہ میں امدادی گاڑیوں کے ایک گروپ پر اسرائیل کے حملے کے حوالے سے میں خوف و ہراس کا شکار ہوں!

یہ بھی پڑھیں: غزہ میں نسل کشی روکنے کا وقت ختم : اقوام متحدہ

اقوام متحدہ کے سکریٹری جنرل نے اس سے قبل صیہونی جنگی طیاروں کے ہاتھوں جبالیا کیمپ پر بمباری کے سلسلہ میں بھی صرف ایک ہی جملہ کہا کہ میں حیران رہ گیا

یاد رہے کہ صہیونی فوج تنازعات اور جنگ کے کسی بھی اصول اور بین الاقوامی قوانین کی پاسداری نہیں کرتی، اسپتالوں پر بمباری کے علاوہ امدادی گاڑیوں اور زخمیوں کے قافلوں کو بھی نشانہ بناتی ہے۔

اس حکومت کے جنگی طیاروں نے غزہ کی پٹی کے ایک اسپتال کے بجلی کے جنریٹر اور اس علاقے کے رفح شہر کے مشرق میں عوامی پانی کی سپلائی کو بھی بمباری سے نشانہ بنایا ہے۔

گزشتہ روز صیہونی فوج نے ایک اور جنگی جرم کا ارتکاب کرتے ہوئے غزہ میں الشفاء میڈیکل کمپلیکس کے داخلی دروازے پر بمباری کرکے درجنوں افراد کو شہید اور زخمی کردیا۔

مزید پڑھیں: صیہونی حکومت کی نظر میں اقوام متحدہ کی کیا حیثیت ہے؟

غزہ کے ہسپتالوں کے ڈائریکٹر جنرل ڈاکٹر محمد زقوت نے الجزیرہ کو بتایا کہ بمباری میں ان زخمیوں کو نشانہ بنایا گیا جنہیں رفح کراسنگ پر بھیجا جا رہا تھا۔

صہیونی غاصبوں نے ان زخمیوں کو لے جانے والی ایمبولینس کو بھی نشانہ بنایا۔