اسرائیلی وزیرِ جنگ کا اردوغان پر توہین آمیز حملہ

?️ 11 نومبر 2025

اسرائیلی وزیرِ جنگ کا اردوغان پر توہین آمیز حملہ

ترکی کی عدالت کی جانب سے غزہ میں نسل کشی کے الزام میں ۳۷ اسرائیلی حکام کے وارنٹ گرفتاری جاری کیے جانے کے بعد اسرائیلی وزیر جنگ یسرائیل کاتس نے ترک صدر رجب طیب اردوغان پر سخت اور توہین آمیز الفاظ میں حملہ کیا ہے۔

روسیا الیوم کے مطابق کاتس نے سماجی رابطے کی ویب سائٹ “ایکس” پر ترکی اور عبری زبان میں لکھا کہ اردوغان اپنے مضحکہ خیز وارنٹ واپس لے اور غائب ہو جائے، یہ احکام زیادہ ان جرائم کے لائق ہیں جو اس نے کردوں کے خلاف کیے، اسرائیل طاقتور ہے اور کسی سے نہیں ڈرتا۔

کاتس نے مزید کہا کہ غزہ میں بین الاقوامی امن فورس میں ترک افواج کی شمولیت کی مخالفت درست فیصلہ تھا اور طنزیہ انداز میں کہا کہ اردوغان غزہ کو صرف کیمرے کے پیچھے سے دیکھ سکتا ہے۔

استنبول کے پراسیکیوٹر آفس نے ۱۷ آبان کو جن ۳۷ اسرائیلی حکام کے خلاف وارنٹ گرفتاری جاری کیے ان میں نیتن یاہو، یسرائیل کاتس اور چیف آف اسٹاف ایال زامیر بھی شامل ہیں، اور ان افراد پر ترکی میں داخلے اور فضائی حدود سے گزرنے پر پابندی عائد کر دی گئی ہے۔

یاد رہے کہ ۲۱ نومبر ۲۰۲۴ کو بین الاقوامی فوجداری عدالت نے نیتن یاہو اور سابق وزیر جنگ یوآو گالانت کے خلاف جنگی جرائم، انسانیت کے خلاف جرائم اور غزہ کے عوام کو بھوک بطور ہتھیار استعمال کرنے کے الزامات میں گرفتاری کے احکام جاری کیے تھے جن پر بعد میں اسرائیل نے نظر ثانی کی درخواست بھی دی تھی۔