کیا اسرائیلی افسر کی لاش کی واپسی غزہ فائر بندی کے دوسرے مرحلے کو آگے بڑھا دے گی؟

کیا اسرائیلی افسر کی لاش کی واپسی غزہ فائر بندی کے دوسرے مرحلے کو آگے بڑھا دے گی؟

 صہیونی روزنامہ ہاآرتص نے رپورٹ دی ہے کہ اسرائیلی افسر ہدار گولدن کی لاش کی واپسی ممکنہ طور پر غزہ فائر بند معاہدے کو دوسرے مرحلے میں داخل کر سکتی ہے، جس کے تحت شہید عزالدین القسام بریگیڈز کے تقریباً ۲۰۰ رزمندوں کی رہائی یا انخلا کا راستہ کھل سکتا ہے۔

ہاآرتص کے مطابق، گولدن کی لاش کی تحویل اسرائیلی افکارِ عامہ کو اس سمت دھکیل سکتی ہے کہ حماس اور اسرائیل کے درمیان تازہ پیش رفت ممکن ہو جائے۔ رپورٹ میں کہا گیا ہے کہ امریکہ اور ثالث ممالک اسرائیل پر دباؤ بڑھا رہے ہیں کہ وہ رفح کے زیرِ زمین ٹنلوں میں پھنسے القسام رزمندوں کو نکلنے کی اجازت دے۔

صہیونی میڈیا لکھتا ہے کہ گولدن کی لاش کی واپسی امریکی صدر ڈونلڈ ٹرمپ کو بھی معاہدے کے اگلے مرحلے کی طرف بڑھنے پر آمادہ کر سکتی ہے۔

تاہم تل ابیب کے سیاسی رہنماؤں کا کہنا ہے کہ یہ اندازہ لگانا آسان نہیں کہ آیا گولدن کی لاش کی واپسی دوسرے معاہدے کا راستہ ہموار کرے گی یا نہیں۔

ذرائع کے مطابق، اسرائیلی وزیراعظم نیتن یاہو نے اس معاملے پر کوئی حتمی فیصلہ نہیں کیا اور توقع ہے کہ وہ اپنے مشیر جیرڈ کُشنر سے ملاقات کے بعد فیصلہ کریں گے۔

حماس کے سینئر رہنما محمد نزال کا کہنا ہے کہ رفح میں کسی بھی ممکنہ جھڑپ کی ذمہ داری مکمل طور پر اسرائیل پر عائد ہوتی ہے۔

انہوں نے واضح کیا کہ:حماس فائر بندی کے معاہدے کی تمام شقوں کی پابند ہے,القسام رزمندوں کی رفح سے باہر منتقلی ہرگز قبول نہیں

اسرائیلی فوج کے چیف آف اسٹاف ایال زمیر نے حال ہی میں بیان دیا تھا کہ ٹنلوں میں موجود حماس رزمندوں کے انخلا کی شرط ہدار گولدن کی لاش کی واپسی ہے—یہی شرط بعد میں کابینہ کے اندر اختلافات کا باعث بنی۔

حماس کے مطابق، اسرائیلی لاشوں کی تلاش اور واپسی غزہ کی وسیع تباہی کے باعث وقت لے رہی ہے، اور یہ عمل فائر بندی کے پہلے مرحلے کا حصہ ہے جو ۱۰ اکتوبر سے جاری ہے۔