اسرائیلی فوج حقیقت کا تجزیہ کرنے سے قاصر ہے:صیہونی اخبار

?️ 14 مئی 2022

سچ خبریں:اسرائیلی اخبار Haaretz نے گزشتہ سال ہونے والی "سیف القدس” کی لڑائی کے نتائج کا جائزہ لیتے ہوئے ایک رپورٹ میں اس بات پر زور دیا کہ اسرائیلی فوج موجودہ حقیقت کا تجزیہ کرنے سے قاصر ہے۔
المیادین نیوز چینل نے اسرائیلی اخبار Haaretz کے حوالے سے خبر دی ہے کہ اسرائیلی فوج کو مقبوضہ علاقوں میں کارروائیوں کی لہر سے نمٹنے کے لیے اسٹریٹجک منصوبے پیش کرنے میں مشکلات کا سامنا ہے، اس سلسلے میں، رمضان کے ختم ہونے کے بعد فلسطین میں تنازع کے خاتمے کی امیدیں دم توڑ گئی ہیں۔

تل ابیب میں فیصلہ سازوں کے قریب ایک صہیونی تجزیہ کار آموس ہیریل نے جنگ سیف القدس کی پہلی برسی کے موقع پر یہ رپورٹ لکھ کر صہیونی فوج کی حالت کو پیش کرنے کی کوشش کی، جس میں ان کے بقول صورتحال اور اس کے نتائج پر غیر حقیقت پسندانہ اندازے پیش کیے گئے۔

اس رپورٹ میں انہوں نے مقبوضہ علاقوں میں حالیہ شہادت طلبانہ کارروائیوں کے تناظر میں صیہونی فوج کی موجودہ صورت حال کو بیان کرنے اور آنے والے دنوں میں سیاسی رجحانات پر اثر انداز ہونے کے طریقہ کار کا انتخاب کرنے کی کوشش کی ہے۔

رپورٹ میں کہا گیا ہے کہ”علاقوں (مقبوضہ فلسطینی علاقے اور مغربی کنارے) میں خوف و ہراس کی لہر ظاہر کرتی ہے کہ غزہ آپریشن کے بعد سے ایک سال میں صورتحال میں کوئی خاص تبدیلی نہیں آئی ہے اس لیے کہ جب حکومت سیاسی بحران کا شکار ہو اور سیکورٹی اور فوجی اداروں کو حملوں کو روکنا مشکل ہو تو سیاسی حکام اور فوج کے درمیان اختلافات بڑھ سکتے ہیں۔