اسرائیل میں پانی کی شدید قلت سے ہزاروں ہیکٹر زرعی زمین تباہ

اسرائیل میں پانی کی شدید قلت سے ہزاروں ہیکٹر زرعی زمین تباہ

 اسرائیلی خبر رساں ویب سائٹ وای نت نے وزارت زراعت کے ایک نامعلوم ذریعے کے حوالے سے انکشاف کیا ہے کہ اس سال اسرائیل میں شدید خشک سالی اور پانی کی کمی کے باعث ہزاروں ہیکٹر زرعی زمین تباہ ہوگئی ہے اور ملکی زراعت کو بھاری نقصان پہنچا ہے۔

اس ذریعے کے مطابق رواں سال اسرائیل کی تاریخ کا بدترین زرعی سال رہا ہے اور تقریباً تمام شعبے بری طرح متاثر ہوئے ہیں۔ ابتدائی اندازوں کے مطابق زراعت کو اب تک 50 ملین شیکل کا نقصان ہوا ہے جو دسمبر تک بڑھ کر 150 ملین شیکل تک پہنچنے کا خدشہ ہے۔

رپورٹ کے مطابق خشک سالی کی وجہ سے نہ صرف زمینیں بنجر ہو گئی ہیں بلکہ زنبوروں کی آبادی میں بھی 50 فیصد کمی آچکی ہے، جس سے شہد کی صنعت کو بھی شدید خطرات لاحق ہیں۔

وزارت زراعت نے خبردار کیا ہے کہ پانی کی قلت کے باعث زرعی پیداوار میں کمی، قیمتوں میں اضافہ اور مجموعی طور پر ملکی معیشت کو سنگین نقصان پہنچے گا۔ پانی کی تنظیم (واٹر اتھارٹی) نے تجویز دی ہے کہ 2026 کے لیے زرعی استعمال کے لیے میٹھے پانی کی مقدار 380 ملین مکعب میٹر سے کم کر کے 250 ملین مکعب میٹر کر دی جائے۔