دنیا

غزہ پر وسیع حملے کی صورت میں بڑی تعداد میں اسرائیلی قیدی اور فوجیوں کے ہلاک ہونے کا مکان

07
اگست

?️ 7 اگست 2025

سچ خبریں: عبرانی اخبار معاریو نے صہیونی فوجی ذرائع کے حوالے سے رپورٹ دی ہے کہ اسرائیلی فوج آج سیاسی حکام کو ممکنہ جانی و مالی نقصانات سے آگاہ کرے گی جو غزہ پٹی پر قبضے کی صورت میں اٹھانے پڑ سکتے ہیں۔

فوجی ذرائع نے تسلیم کیا کہ تخمینوں کے مطابق، اگر غزہ پٹی میں فوجی کارروائیوں کو توسیع دی گئی تو زیادہ تر اسرائیلی قیدی یا تو اپنے قابضین کے ہاتھوں یا فضائی حملوں میں ہلاک ہو جائیں گے۔

ذرائع نے مزید کہا کہ اندازوں کے مطابق، غزہ میں فوجی کارروائی کے پھیلاؤ کی صورت میں بڑی تعداد میں اسرائیلی فوجیوں کے ہلاک ہونے کا بھی خطرہ ہے۔

معاریو کی رپورٹ کے مطابق، صہیونی فوجی ذرائع کا کہنا ہے کہ ہمارے تخمینے بتاتے ہیں کہ غزہ پٹی پر قبضے کی کوشش، جس میں سرنگوں کے تباہ کرنے کا عمل بھی شامل ہوگا، کم از کم تین ماہ تک جاری رہ سکتا ہے۔

ذرائع نے خبردار کیا کہ غزہ پر مکمل قبضے کے بعد، اسرائیلی فوج کو فوجی حکومت قائم کرنا ہوگی اور 25 لاکھ فلسطینیوں کی دیکھ بھال کی ذمہ داری سنبھالنا ہوگی۔

Short Link

Copied