اسرائیل میں ذہنی بیماریوں میں اضافہ، 42 فیصد آبادی اضطراب اور 44 فیصد افسردگی کا شکار

اسرائیل میں ذہنی بیماریوں میں خطرناک اضافہ، 42 فیصد آبادی اضطراب اور 44 فیصد افسردگی کا شکار

 طویل جنگ اور مسلسل غیر یقینی صورت حال نے اسرائیلی معاشرے کو ذہنی مسائل کی لپیٹ میں لے لیا ہے۔ صہیونی ذرائع ابلاغ کے مطابق 7 اکتوبر کے بعد سے اسرائیل میں نفسیاتی بیماریوں کی شرح میں خطرناک حد تک اضافہ ہوا ہے۔

قدس نیٹ ورک کی رپورٹ کے مطابق، مقبوضہ علاقوں میں کی گئی ایک تازہ تحقیق سے پتہ چلا ہے کہ ذہنی دباؤ، صدمے کے بعد کی ذہنی کیفیت (PTSD) اور دیگر ذہنی مسائل میں دگنا اضافہ ہوا ہے۔

تحقیق کے مطابق:صدمے کے بعد کی ذہنی بیماری (PTSD) سے متاثرہ افراد کی شرح 16 فیصد سے بڑھ کر تقریباً 30 فیصد ہو چکی ہے۔

اضطراب کا شکار افراد پہلے 25 فیصد تھے، اب یہ تعداد 42 فیصد تک جا پہنچی ہے۔

افسردگی کی شرح بھی 30 فیصد سے بڑھ کر 44 فیصد ہو گئی ہے۔

ماہرین کا کہنا ہے کہ غزہ پر جاری جنگ، مسلسل راکٹ حملے، اور غیر محفوظ فضا نے صہیونی عوام کو شدید ذہنی تناؤ میں مبتلا کر دیا ہے۔ نفسیاتی مراکز اور اسپتالوں میں مریضوں کی تعداد میں بھی غیر معمولی اضافہ ریکارڈ کیا جا رہا ہے۔

تجزیہ کاروں کے مطابق یہ اعداد و شمار اس بات کا ثبوت ہیں کہ جنگ کی آگ صرف ایک فریق کو نہیں جھلساتی بلکہ خود حملہ آور قوم بھی اس کے نفسیاتی اثرات سے محفوظ نہیں رہتی۔