اسرائیل اور لبنان کے درمیان جنگ بندی میں 3 ہفتوں کی توسیع

سچ خبریں:امریکی صدر ڈونلڈ ٹرمپ نے اعلان کیا ہے کہ اسرائیل اور لبنان کے درمیان موجود جنگ بندی میں مزید تین ہفتوں کی توسیع کر دی گئی ہے۔

 ٹرمپ نے دعویٰ کیا کہ لبنان کی حکومت اور اسرائیلی حکومت کے نمائندوں کے درمیان ہونے والی ملاقات انتہائی مثبت رہی۔

انہوں نے مزید کہا کہ امریکہ براہ راست لبنان کی حمایت کرے گا تاکہ وہ حزب اللہ کے خلاف اپنے دفاع کو ممکن بنا سکے۔ ٹرمپ نے یہ بھی بتایا کہ وہ واشنگٹن میں بنیامین نیتن یاہو اور جوزف عون کی میزبانی کے منتظر ہیں۔

حزب اللہ کی جانب سے لبنانی حکومت کو اسرائیل کے ساتھ براہ راست مذاکرات کرنے پر تنبیہ کے باوجود یہ مذاکرات گھنٹوں قبل شروع ہو چکے ہیں۔ واضح رہے کہ لبنان میں جنگ بندی کے نفاذ کے بعد سے اسرائیل نے متعدد بار مختلف علاقوں پر حملے کر کے جنگ بندی کی خلاف ورزی کی ہے، جس کے جواب میں لبنانی حزب اللہ نے بھی مختلف کارروائیاں کر کے جنگ بندی کی پامالیوں کا جواب دیا ہے۔