صہیونیوں کی ٹرمپ کے متنازعہ منصوبے کو نافذ کرنے کی کوششیں

سچ خبریں:عرب اور اسلامی ممالک میں وسیع پیمانے پر مخالفت کے باوجود، صہیونی حکومت امریکی صدر کے متنازعہ منصوبے کو نافذ کرنے کے لیے تیاریاں کر رہی ہے۔  

یہ بھی پڑھیں:ٹرمپ کا غزہ کے بارے میں خواب؛ جسے اتحادیوں میں بھی پذیرائی نہیں مل رہی  

الجزیرہ نیوز چینل کی رپورٹ کے مطابق صیہونی حکومت کے وزیر جنگ یسرائیل کاتس نے اعلان کیا کہ فلسطینیوں کو غزہ پٹی سے بے دخل کرنے کے لیے وزارت جنگ میں ایک خصوصی ادارہ قائم کیا جائے گا۔

انہوں نے صہیونی فوج کو ہدایت دی تھی کہ وہ امریکی صدر ڈونلڈ ٹرمپ کے پیش کردہ منصوبے کے مطابق فلسطینیوں کو غزہ پٹی سے بے دخل کرنے کا ایک منصوبہ تیار کریں۔

اس منصوبے کا پہلا حصہ گزشتہ روز کاتس کی میٹنگ میں زیر بحث آیا، جس میں رضاکارانہ طور پر غزہ پٹی چھوڑنے والوں کو وسیع پیمانے پر امداد فراہم کرنے کی بات کی گئی۔

مزید پڑھیں:غزہ سے کوئی بے دخلی نہیں ہوگی: اسرائیلی صحافی

یہ اقدام اس وقت سامنے آیا ہے جب ٹرمپ کے منصوبے نے فلسطینی گروپوں اور خطے کے ممالک میں مخالفت کی لہر پیدا کر دی ہے، ٹرمپ نے غزہ پٹی کو خالی کرانے اور اس پر امریکہ کے قبضے کا مطالبہ کیا تھا نیز کہا تھا کہ فلسطینیون کو کبھی غزہ واپس آنے کا حق نہیں ہو گا۔