یمنی بھائیوں نے ثابت کردیا کہ ہم اکیلے نہیں:حماس

سچ خبریں:فلسطینی مزاحمتی تحریک حماس کے عسکری ونگ عزالدین قسام بریگیڈ کے ترجمان ابوعبیدہ نے یمن کی مسلح افواج کے غزہ کے حق میں شجاعانہ اقدامات کی تعریف کرتے ہوئے کہا کہ غزہ میدانِ جنگ میں تنہا نہیں ہے۔  

یہ بھی پڑھیں: یمنی فوج نے اسرائیلی حکومت کے خلاف اپنے نئے آپریشن کا اعلان کیا

الجزیرہ نیوز چینل کی رپورٹ کے مطابق، ابوعبیدہ نے ایک بیان میں کہا کہ آج یمن کے میزائل، غزہ کے میزائلوں کے ساتھ مل کر تل ابیب کے آسمان پر موجود تھے  جو اس بات کا پیغام ہے کہ غزہ کو اکیلا نہیں چھوڑا گیا بلکہ  امتِ اسلام کے حریت پسند اس کے ساتھ کھڑے ہیں۔

ابوعبیدہ نے مزید کہا کہ ہم اسلامی دنیا کے تمام آزاد انسانوں سے اپیل کرتے ہیں کہ وہ دفاعِ مسجد الاقصیٰ کے معرکے میں شامل ہوں اور غزہ کی پشت پناہی اور حمایت کو مضبوط کریں تاکہ صیہونی دشمن کی طاقت کا غرور خاک میں مل جائے اور وہ اپنی جارحیت کو روکنے پر مجبور ہو جائے۔

یمن کی مسلح افواج کے ترجمان سرتیپ یحییٰ سریع نے جمعرات کو اعلان کیا کہ یمنی میزائل فورسز نے مقبوضہ فلسطین کے علاقے یافا میں واقع بن گورین ایئرپورٹ کو فلسطین ۲ قسم کے مافوق الصوت بیلسٹک میزائل سے نشانہ بنایا ہے۔

انہوں نے مزید کہا کہ ہم نے امریکی طیارہ بردار بحری جہاز اور اس کی جنگی کشتیاں بھی ہدف بنائیں، اور یہ تمام حملے قابضین کے جرائم کے ردعمل کے طور پر انجام دیے گئے ہیں۔

مزید پڑھیں:یمنی فوج کے بن گوریون ہوائی اڈے پر جوابی حملے 

ابوعبیدہ کے اس بیان نے ایک مرتبہ پھر واضح کر دیا ہے کہ فلسطینی مزاحمت اب ایک علاقائی مزاحمتی بلاک کی شکل اختیار کر چکی ہے، جس میں یمن، لبنان، عراق اور دیگر ممالک کے عناصر شامل ہو رہے ہیں، یہ اتحاد صیہونی جارحیت کو محدود کرنے کی طاقت رکھتا ہے۔