نیتن یاہو نے شاباک کے نئے سربراہ کی تقرری کا متنازعہ فیصلہ کیوں واپس لیا ؟  

سچ خبریں:صیہونی میڈیا کا کہنا ہے کہ قابض وزیر اعظم بنیامین نیتن یاہو نے شاباک (اسرائیلی داخلی سلامتی ایجنسی) کے نئے سربراہ ایلی شرویت کی تقرری کو اچانک منسوخ کر دیا ہے،اس فیصلے کے پیچھے امریکی صدر ڈونلڈ ٹرمپ کے خلاف شرویت کے تنقیدی بیانات کو بنیادی وجہ بتایا جا رہا ہے۔  

یہ بھی پڑھیں:شاباک کے نئے سربراہ کا انتخاب 

تفصیلات کے مطابق اسرائیلی فوجی ریڈیو کے مطابق، ایلی شرویت نے ٹرمپ کے خلاف ایک مضمون لکھا تھا، جس کی وجہ سے نیٹن یاہو نے ان کی تقرری واپس لی۔

 صیہونی ٹیلی ویژن چینل 14 کے ایک ماخذ نے بتایا کہ نیتن یاہو نے شاباک کے لیے نئے امیدوار کا فیصلہ نہیں کیا ہے،اسرائیلی اپوزیشن لیڈر یائر لاپید نے کہا کہ یہ فیصلہ اسرائیل کی سلامتی کے لیے ایک دھچکا ہے اور اس سے حکومت کی نااہلی ظاہر ہوتی ہے۔

 امریکی سینیٹر لنڈسی گراہم (ریپبلکن) نے شرویت کی ممکنہ تقرری پر تشویش کا اظہار کیا، کیونکہ ان کے ٹرمپ کے خلاف پرانے بیانات موجودہ امریکیاسرائیلی تعلقات کو مزید کشیدہ کر سکتے ہیں، گراہم نے اسرائیلی حکومت کو مزید محتاط رہنے کا مشورہ دیا۔

 لاپید نے کہا کہ 7 اکتوبر کے حملوں کے بعد سے اسرائیلی کابینہ عوامی اعتماد کھو چکی ہے،یہ معاملہ نیتن یاہو حکومت کے اندرونی انتشار اور امریکہ کے ساتھ تعلقات میں ہونے والی الجھنوں کو ظاہر کرتا ہے۔

مزید پڑھیں:شاباک کا سربراہ مجرم اور جھوٹا ہے ، اسے جیل جانا چاہیے:انتہاپسند صیہونی سیاستدان  

 نتین یاہو کے حامیوں کا کہنا ہے کہ امریکہ کے ساتھ تعلقات کو ترجیح دی گئی ہے جبکہ ناقدین کا ماننا ہے کہ یہ دباؤ میں لیے گئے فیصلے کی علامت ہے، جو شاباک جیسی اہم ایجنسی کی آزادی کو متاثر کرتا ہے۔