امریکہ نے ذرا سی بھی غلطی کی تو کیا ہوگا؟ عراقی مزاحمتی تحریک کا انتباہ

?️ 3 نومبر 2024

سچ خبریں:عراق کی اسلامی مزاحمتی تحریک کے ایک سینئر رہنما نے خبردار کیا ہے کہ اگر امریکہ کی جانب سے کوئی بھی غلطی سرزد ہوئی تو مزاحمت کار عراق میں موجود غیر قانونی امریکی اڈوں کو نشانہ بنائیں گے۔

عراقی تنظیم النجباء کے سیاسی کونسل کے رکن حیدر اللامی نے قطری چینل الجزیرہ سے گفتگو کرتے ہوئے کہا کہ اگر یہ ثابت ہوا کہ امریکہ عراق پر حملے میں اسرائیل کی مدد کر رہا ہے تو ہم امریکی اڈوں کو ہدف بنائیں گے۔

یہ بھی پڑھیں: امریکی منصوبوں کے خلاف ایک تزویراتی مثلث

انہوں نے مزید کہا کہ ہم کسی بھی امریکی یا اسرائیلی اڈے سے حملہ ہونے کی صورت میں بھرپور جواب دیں گے، چاہے وہ حملہ کسی بھی ملک سے ہو۔

اللامی نے زور دے کر کہا کہ اسرائیل کی طرف سے عراق کی مزاحمتی تحریک پر حملے کی دھمکیاں ہمیں ہرگز خوفزدہ نہیں کریں گی۔

مزید پڑھیں: فلسطین کی حمایت میں عراقی مزاحمتی گروپوں کا رول

النجباء کے اس رہنما نے یہ بھی واضح کیا کہ ہمارا مقصد غزہ کی حمایت ہے اور ہماری کارروائیاں تبھی رکیں گی جب غزہ میں جنگ بند ہوگی۔