راکٹ حملے سے ہمارا کوئی تعلق نہیں، دشمن بہانے تراش رہا ہے:حزب اللہ  

سچ خبریں:حزب اللہ نے جنوبی لبنان سے مقبوضہ فلسطینی علاقوں کی جانب کیے گئے راکٹ حملے سے کسی بھی قسم کے تعلق کی سختی سے تردید کی ہے،تنظیم کا کہنا ہے کہ صہیونی دشمن جھوٹے دعووں کی بنیاد پر لبنان پر مزید حملوں کا جواز پیدا کر رہا ہے۔

یہ بھی پڑھیں:شہید نصراللہ اور اسلامی ملتیں

لبنانی نشریاتی ادارے المنار کی رپورٹکے مطابق، حزب اللہ نے ایک باقاعدہ بیان جاری کرتے ہوئے واضح کیا کہ جنوبی لبنان سے راکٹ فائرنگ میں ان کا کوئی کردار نہیں۔

بیان میں کہا گیا کہ یہ الزامات محض دشمن کی طرف سے ایک بہانہ ہیں تاکہ لبنان پر اپنی جارحیت جاری رکھ سکے، جو کہ جنگ بندی کے اعلان کے بعد سے تاحال رکی نہیں۔

بیان میں مزید کہا گیا ہے کہ حزب اللہ جنگ بندی معاہدے کی پابندی کو تسلیم کرتی ہے اور موجودہ صورتحال کو پُرامن طریقے سے حل کرنے کے لیے لبنانی حکومت کی حمایت جاری رکھے گی۔

مزید پڑھیں: جنوبی لبنان کی صورتحال سے صہیونیوں میں خوف و ہراس

واضح رہے کہ آج صبح اسرائیلی فوج نے دعویٰ کیا تھا کہ جنوب لبنان سے پانچ راکٹ داغے گئے ہیں، جن کا ہدف مقبوضہ فلسطینی علاقے تھے،اس دعوے کے بعد اسرائیل نے جنوبی لبنان کے مختلف علاقوں کو بمباری کا نشانہ بنایا۔