امریکہ اور اسرائیل ذلت کے ساتھ علاقے سے فرار ہو گئے: یمنی عہدیدار

?️ 2 نومبر 2025

سچ خبریں:یمن کے حکومتی عہدیدار نے کہا کہ امریکہ اور اسرائیل نے یمن کے ساتھ براہ راست لڑائی میں ذلت کا سامنا کیا اور بالآخر علاقے سے فرار ہو گئے۔

المسیرہ نیوز چینل کی رپورٹ کے مطابق یمن کی تبدیلی و تعمیر حکومت کے سرپرست محمد مفتاح نے کہا کہ ہم اسرائیل اور امریکہ کو ذلت کے ساتھ علاقے سے فرار ہونے پر مجبور کر دیا ۔

یہ بھی پڑھیں:یمن نے اسرائیل کے دفاعی نظام کی کمزوریوں کو بے نقاب کیا

رپورٹ کے مطابق محمد مفتاح نے کہا کہ یمن نے اس بار امریکہ اور اسرائیل کے ساتھ براہ راست لڑائی کی، جس کے نتیجے میں انہیں سخت سبق سیکھنے کو ملا۔

انہوں نے مزید کہا کہ امریکیوں نے ایک فوجی اتحاد کے ساتھ آبدوز، ایئر کرافٹ کیریئر اور بحری جہاز کے ذریعے ہمارے سمندری حدود میں داخل ہونے کی کوشش کی لیکن بالآخر ذلت و خواری کے ساتھ ہمارے پانیوں سے واپس پلٹ گئے۔

مفتاح نے مزید کہا یہ پہلی بار تھا کہ چند سالوں میں امریکی ایئر کرافٹ کیریئر اس علاقے سے غائب ہو گئے، کیونکہ یمن کے ساتھ براہ راست لڑائی کے بعد وہ فرار ہونے پر مجبور ہو گئے۔

مزید پڑھیں:یمن کی ایک جیل پر امریکی حملہ ممکنہ جنگی جرم ہے: عفو بین الملل

محمد مفتاح نے اس موقع پر یمن کے سابق چیئرمین جوائنٹ چیفس آف اسٹاف محمد الغماری کی شہادت کا ذکر کیا اور کہا کہ دشمن نے یمن کے امریکہ کی حمایت یافتہ افواج کے ساتھ جنگ کے آغاز سے ہی شہید الغماری کو نشانہ بنایا تھا، خدا نے ان کو مزاحمتی محاذ کے شہداء کے کارواں میں شمولیت کا شرف بخشا۔