آبنائے ہرمز میں غیر اعلانیہراستے سے گزرنے والے تین تیل بردار جہاز بارودی سرنگوں سے ٹکرا کر تباہ

?️ 29 اکتوبر 2026

سچ خبریں:آبنائے ہرمز کے جنوبی حصے میں غیر اعلانیہراستے سے گزرنے والے تین تیل بردار جہاز بارودی سرنگوں سے ٹکرا کر دھماکوں اور آتش زدگی کا شکار ہو گئے، جس کے بعد انہیں جنوبی ساحل پر چھوڑ دیا گیا۔

اسلامی جمہوریہ ایران کی سپاہ پاسداران کی بحریہ کے شعبۂ تعلقات عامہ نے ایک بیان میں اعلان کیا ہے کہ آبنائے ہرمز کے جنوبی حصے میں غیر اعلانیہراستے سے گزرنے والے تین تیل بردار جہاز دھماکوں کا شکار ہوئے اور انہیں جنوبی ساحل پر چھوڑ دیا گیا۔

بیان میں کہا گیا ہے کہ گزشتہ 24 گھنٹوں کے دوران تین خلاف ورزی کرنے والے تیل بردار جہاز آبنائے ہرمز کے جنوبی حصے میں غیر اعلانیہراستے سے گزرتے ہوئے بارودی سرنگوں سے ٹکرا گئے، جس کے نتیجے میں ان میں دھماکے ہوئے اور آگ بھڑک اٹھی۔ بعد ازاں ان جہازوں کو آبنائے ہرمز کے جنوبی ساحل پر چھوڑ دیا گیا۔

بیان کے مطابق ان تیل بردار جہازوں نے اپنے تمام ریڈار اور بحری رہنمائی کے نظام بند کر رکھے تھے۔ وہ سپاہ پاسداران انقلاب اسلامی کی بحریہ کی تنبیہات کو نظرانداز کرتے ہوئے آبنائے ہرمز کے جنوبی حصے میں واقع غیر اعلانیہراستے سے نکلنے کی کوشش کر رہے تھے کہ سمندری بارودی سرنگوں سے ٹکرا کر دھماکوں کا شکار ہو گئے۔

سپاہ پاسداران انقلاب اسلامی کی بحریہ نے خبردار کیا ہے کہ آبنائے ہرمز میں غیر اعلانیہراستہ بارودی سرنگوں سے آلودہ ہے۔ اس راستے سے گزرنے کی صورت میں جہازوں کے مالکان اور عملے کو خود ذمہ دار ٹھہرایا جائے گا۔ بیان میں مزید کہا گیا ہے کہ انہیں سوشل میڈیا پر سینٹکام کے پھیلائے گئے تصورات اور دعوؤں پر توجہ نہیں دینی چاہیے۔

بیان کے اختتام پر کہا گیا ہے کہ زمینی حقائق میدان میں واضح ہوتے ہیں۔ امریکہ کی مبینہ دہشت گرد اور جارح فوج کی حمایت سے کی جانے والی کسی بھی اشتعال انگیز کارروائی، جس میں آبنائے ہرمز کے ضوابط کو نظرانداز کیا جائے، کا سختی سے مقابلہ کیا جائے گا۔