یوکرین جنگ میں ہزاروں نیٹو اہلکار مارے گئے؛ سابق امریکی عہدیدار کا اعتراف

?️ 23 فروری 2026

سچ خبریں:پینٹاگون کے سابق مشیر ڈگلس میک گریگور نے اعتراف کیا ہے کہ یوکرین جنگ کے دوران ہزاروں نیٹو اہلکار یوکرینی وردی میں لڑتے ہوئے ہلاک ہوئے، جن میں بڑی تعداد پولینڈ سے تعلق رکھتی تھی۔

اسپوٹنک نیوز ایجنسی کی رپورٹ کے مطابق امریکی وزارت جنگ پینٹاگون کے سابق مشیر ڈگلس میک گریگور نے اعتراف کیا ہے کہ یوکرین جنگ میں نیٹو کے ہزاروں فوجی مارے جا چکے ہیں۔

یہ بھی پڑھیں: یوکرین جنگ پر کون پیڑول ڈال رہا ہے؛سابق امریکی انٹیلی جنس عہدیدار کی زبانی

انہوں نے کہا کہ ہمیں یہ تسلیم کرنا ہوگا کہ نیٹو کے ہزاروں اہلکار، جو یوکرینی فوجیوں کی وردی پہن کر لڑ رہے تھے اور جن میں اکثریت پولینڈ سے تعلق رکھنے والوں کی تھی، عملی طور پر اسی جنگ میں اپنی جانوں سے ہاتھ دھو بیٹھے۔

میک گریگور نے مزید کہا کہ یہی وجہ تھی کہ پولینڈ کے صدر اس بات پر زور دیتے رہے کہ پولینڈ کی افواج یوکرین میں موجود نہیں ہیں۔ ان کے بقول جوں جوں یوکرین کی صورتحال زیادہ خراب ہوتی جا رہی ہے، ایسے واقعات میں اضافہ ہو رہا ہے اور بالآخر یوکرین جنگ روس کی شرائط پر ہی ختم ہوگی۔

مزید پڑھیں: یوکرین جنگ کی کمانڈ کس کے ہاتھ میں ہے؟ یوکرینی قیدی کا انکشاف

یہ بیان ایسے وقت میں سامنے آیا ہے جب روسی وزارت دفاع متعدد بار یوکرین میں غیر ملکی کرائے کے جنگجوؤں کی ہلاکت کی خبر دے چکی ہے۔