میرے خلاف مظاہرے کرنے والے پیسے لے کر احتجاج کر رہے ہیں؛نیتن یاہو کا دعویٰ 

سچ خبریں:صہیونی وزیراعظم بنیامین نیتن یاہو نے قابض پارلیمنٹ میں خطاب کرتے ہوئے دعویٰ کیا ہے کہ ان کے خلاف مظاہرے کرنے والے افراد کو رقوم دی گئی ہیں تاکہ وہ احتجاج کریں، ان کا کہنا تھا کہ یہ مظاہرے خود رو نہیں بلکہ مالی مفادات کے تحت منظم کیے جا رہے ہیں۔

یہ بھی پڑھیں: عالمی سطح پر صیہونی مظالم کے خلاف مظاہرے؛ رفح میں فلسطینی پناہ گزینوں کے قتل عام کی مذمت

الجزیرہ نیوز چینل کی رپورٹ کے مطابق، نیتن یاہو کی یہ متنازعہ گفتگو اس وقت سامنے آئی ہے جب مقبوضہ علاقوں میں ان کے خلاف مسلسل کئی ماہ سے بڑے پیمانے پر مظاہرے ہو رہے ہیں۔

ان مظاہروں میں ہزاروں افراد شرکت کر چکے ہیں، جو نتانیاہو کی پالیسیوں، کرپشن الزامات، عدالتی اصلاحات اور غزہ میں جاری جنگ سے متعلق فیصلوں پر شدید نالاں ہیں۔

نیتن یاہو کی تقریر کے دوران صیہونی پارلیمنٹ میں شدید لفظی جھڑپیں بھی ہوئیں، اپوزیشن جماعتوں کے اراکین نے قابض وزیراعظم کے اس بیان پر سخت ردعمل دیتے ہوئے اسے عوام کی توہین قرار دیا اور نتانیاہو سے ثبوت پیش کرنے کا مطالبہ کیا۔

مزید پڑھیں: امریکی کانگریس کے سامنے نیتن یاہو کے خلاف مظاہرے

سیاسی تجزیہ کاروں کے مطابق، نیتن یاہو کی حکومت کو اندرونی طور پر شدید عوامی دباؤ اور بین الاقوامی سطح پر سفارتی تنقید کا سامنا ہے اور ایسے بیانات دراصل عوامی غصے کو دبانے کی ناکام کوشش ہیں۔