?️
سچ خبریں:صہیونی اخبار میں شائع ہونے والے تجزیہ میں دعویٰ کیا گیا ہے کہ ایران کے خلاف جنگ میں ڈونلڈ ٹرمپ کو تین بڑی ناکامیوں کا سامنا ہے، جبکہ ایرانی خود کو فاتح سمجھتے ہوئے عالمی طاقت بننے کی جانب بڑھ رہے ہیں۔
ایک صہیونی تجزیہ کار نے ڈونلڈ ٹرمپ کی ناکامیوں کی مختلف جہتوں پر روشنی ڈالتے ہوئے لکھا ہے کہ ایرانی خود کو ایک عالمی طاقت میں تبدیل کریں گے، اور اگر امریکہ ایران کو شکست دینے میں ناکام رہا تو مستقبل میں کوئی بھی ملک ایران پر حملہ کرنے کی جرأت نہیں کرے گا۔
صہیونی تجزیہ کار یوآف لیمور نے صہیونی اخبار یسرائیل ہیوم میں شائع اپنے تجزیہ میں لکھا کہ سرخ بالوں والے صدر یعنی ڈونلڈ ٹرمپ کو درپیش تین بڑی ناکامیوں کو نظر انداز کرنا ممکن نہیں رہا۔
انہوں نے لکھا کہ دنیا میں پہلی مرتبہ کسی جنگ کی حاصل شدہ کامیابیاں مذاکرات کی میز پر کسی حقیقی نتیجے میں تبدیل نہیں ہو سکیں۔ ان کے مطابق اس جنگ میں امریکہ خود کو فاتح ثابت کرنے میں ناکام رہا، جبکہ ایرانی خود کو کامیاب سمجھ رہے ہیں اور ایسا محسوس ہوتا ہے کہ اب وہی شرائط طے کر رہے ہیں اور امریکہ کو ان کی پیروی کرنا پڑ رہی ہے۔
لیمور نے مزید کہا کہ دوسری بڑی مایوسی یہ ہے کہ ٹرمپ دیگر معاملات کی جانب توجہ دینے کے بجائے اب بھی ایران کے مسئلے میں الجھے ہوئے ہیں۔ ان کے بقول ٹرمپ اس وقت کیوبا یا گرین لینڈ میں موجود ہونا چاہتے تھے تاکہ جنگی فوائد سے حاصل ہونے والے اقتصادی مفادات کی تقسیم کر سکیں اور امریکہ میں عالمی کپ کے انعقاد کی تیاریوں پر توجہ دیں، مگر وہ اب بھی ایران کے دلدل میں پھنسے ہوئے ہیں۔
صہیونی تجزیہ کار نے ٹرمپ کی تیسری ناکامی ایک مضبوط منصوبہ بندی کے فقدان کو قرار دیا۔ انہوں نے کہا کہ ٹرمپ کے جرنیل یہ نہیں جانتے کہ انہیں کس طرح فوری اور فیصلہ کن کامیابی دلوائی جائے۔ لیمور کے مطابق ٹرمپ کو اس بات کا خوف ہے کہ واضح فتح کے بجائے وہ ایسے اقدامات کریں گے جو صرف بحران کو مزید گہرا کریں گے اور ان کی مقبولیت کو بدترین سطح تک لے جائیں گے۔
یوآف لیمور نے اس بات پر زور دیا کہ ایرانی خود کو اس جنگ کا فاتح سمجھتے ہیں اور وہ اس کامیابی کو مقامی، علاقائی اور عالمی طاقت میں تبدیل کرنے کی کوشش کریں گے۔
انہوں نے مزید لکھا کہ سب سے تشویشناک بات یہ ہے کہ اگر ڈونلڈ ٹرمپ کی صدارت میں امریکہ ایرانیوں کو شکست دینے میں ناکام رہا تو آئندہ کسی بھی ملک میں ایران پر حملہ کرنے کی ہمت باقی نہیں رہے گی۔


مشہور خبریں۔
بلوچستان میں پاک فوج کا ہیلی کاپٹر گر کر تباہ، دو میجر سمیت 6 اہلکار شہید
?️ 26 ستمبر 2022راولپنڈی: (سچ خبریں) بلوچستان میں پاک فوج کا ہیلی کاپٹر گر کر
ستمبر
حملہ یمن سے،تباہی ابوظہبی میں،تشویش اسرائیل میں
?️ 20 جنوری 2022سچ خبریں:عبرانی زبان کے ذرائع نے بتایا کہ جنوبی یمن میں متحدہ
جنوری
پینٹاگون: ہم نے "گولڈن ڈوم” دفاعی نظام کی تعمیر کے لیے ایک مسودہ تیار کر لیا ہے
?️ 16 مئی 2025سچ خبریں: امریکی محکمہ دفاع کے ترجمان نے کہا کہ پینٹاگون نے
مئی
مسلم لیگ (ن) آئے گی تو مہنگائی کو مٹائے گی، نواز شریف
?️ 26 جنوری 2024اسلام آباد: (سچ خبریں)قائد مسلم لیگ (ن) و سابق وزیر اعظم میاں
جنوری
افغانستان اور چین کے درمیان تیل کے معاہدے پر دستخط
?️ 7 جنوری 2023سچ خبریں: طالبان حکومت کے معدنیات اور تیل کے قائم
جنوری
سعودی عرب کے قطیف شہر میں ایک نوجوان کا سر قلم
?️ 3 اگست 2021سچ خبریں:سعودی حکام کےاس ملک کےجوانوں کے خلاف تازہ ترین اقدام میں
اگست
غزہ زخمی ہے اور دنیا تماشائی بنی ہوئی ہے:حماس
?️ 18 جون 2026سچ خبریں:حماس کے ترجمان حازم قاسم نے غزہ کی موجودہ صورتحال کو
جون
سیکیورٹی اسٹاف نے فردوس عاشق کوپنجاب اسمبلی میں داخلےسے روک دیا
?️ 9 اگست 2021لاہور ( سچ خبریں) پاکستان تحریک انصاف کی رہنماء فردوس عاشق اعوان،
اگست